Marc 10:34 - Mbeti ti Nzapa - Tënë so amu fini

³⁴ Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 10:34 Iomraidhean Croise

Mbeti ti Job 30:10

Be ti ala ake mbi mingi si ala yeke pusu yongoro na tere ti mbi. Ala yeke tuku ngu ti yanga na le ti mbi, tënë ni asara ye oko na ala pepe.

Abia (Psaumes) 16:10

Biani, mo yeke zia mbi na ndo ti akuâ pepe, mo yeke zia mbi, zo ti mo titene mbi fun na ya ti du ti kuâ pepe.

Abia (Psaumes) 22:13

Awato gbani gbani angoro mbi, ala yeke tongana akoli-bagara; ala yeke tongana angangu bagara ti Bashan so angoro tere ti mbi kue.

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 26:67

Na pekoni, ala tuku ngu ti yanga ti ala na le ti lo si ala kpo lo na gobo, ambeni apika ngbangba ti lo,

Matthieu 27:63

ala tene na lo: “Kota zo, na ndembe so zo ti mvene so ade na fini, lo tene lani, lo tene: ‘Na peko ti lango ota, fade mbi yeke zingo na kuâ.’ E dabe ti e na tënë so.

Marc 14:63

Tongaso kota wayango-sandaga asuru ya ti bongo ti lo si lo tene: “E ye ti kiri ti hunda mbeni zo na tënë ngbanga ti nyen!

Marc 14:65

Ambeni zo ato nda ti tuku ngu ti yanga ti ala na tere ti lo, ala kanga le ti lo, ala kpo lo na gobo si ala tene na lo: “Sara tongana wayanga-Nzapa: fa na e zo so asara ye so na mo.” Azo ti kua ni amu Jésus si ala pika ngbangba ti lo fani mingi.

Marc 9:31

ngbanga ti so lo ngba ti fa ye na adisiple ti lo; lo tene na ala: “Fade a yeke zia *Molenge ti Zo na maboko ti azo titene ala fâ lo. Lango ota na pekoni, fade lo yeke zingo na kuâ.”

Nzoni Tënë so Luc asu na mbeti 23:11

Herode na aturugu ti lo ahe Jésus na ngia si ala sara lo tongana buba zo. Ala yu na lo mbeni bongo so aza zango si ala kiri atokua lo na Pilate.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 2:10

si lo tene na lo: “Azo kue ayeke mu ka nzoni vin na azo kozoni, ala nyon alingbi na ala awe si na pekoni, ala mu na ala vin so ayeke nzoni kete. Me ti mo, mo bata nzoni vin ni ngbii asi na ndembe so!”

1 Korente 15:4

A lu lo, na lango ota ni, lo zingo na kuâ tongana ti so Mbeti ti Nzapa atene.