Marc 10:23 - Mbeti ti Nzapa - Tënë so amu fini

²³ Jésus abaa adisiple ti lo so angoro lo kue si lo tene na ala: “Ayeke ngangu na zo ti mosoro ti li na ya ti *Kodro-gbia ti Nzapa!”

Marc 10:23 Iomraidhean Croise

Mbeti ti Job 31:24

Mbi zia be ti mbi na ndö ti lôro? Wala mbi tene na lôro ni: “Mo laa mo yeke bata mbi”?

Matthieu 18:3

si lo tene na ala: “Mbi tene na ala taa-tënë: tongana be ti ala akiri aga tongana ti akete molenge pepe, ala yeke li na Kodro-gbia ti yayu pepe.

Marc 10:15

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Marc 10:22

Me so koli ni ama atënë so, tere ti lo kue ade si lo gue na vundu na be ti lo, ngbanga ti so lo yeke na mosoro mingi.

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Marc 5:32

Me Jésus abaa ndo na tere ti lo kue ti baa zo wa laa asara ye so.

Nzoni Tënë so Luc asu na mbeti 18:24

So Jésus abaa so lo yeke na vundu, lo tene: “Ayeke ngangu na azo ti mosoro ti li na ya ti *Kodro-gbia ti Nzapa!

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

1 Korente 1:26

A-ita, ala yeke azo so Nzapa airi ala, ala dabe ti ala na ndö ti ala wani: na lege ti bango ndo ti zo, azo ti ndara ayeke mingi na popo ti ala pepe, azo ti ngangu ayeke mingi pepe, azo so a du ala na ya ti anzoni sewa ayeke nga mingi pepe.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.