Marc 10:22 - Mbeti ti Nzapa - Tënë so amu fini

²² Me so koli ni ama atënë so, tere ti lo kue ade si lo gue na vundu na be ti lo, ngbanga ti so lo yeke na mosoro mingi.

Marc 10:22 Iomraidhean Croise

Ezekiel 33:31

Tongaso ala mingi aga si ala duti na dawa ti mo. Ala ma atënë ti mo, me ala sara ye alingbi na ni pepe. Ala yeke sara ye alingbi na ye so anzere na be ti ala, ala yeke gi gi ye so ala lingbi ti wara ye na peko ni.

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Matthieu 19:22

So maseka-koli ni ama tënë so, lo gue na vundu na be ti lo, ngbanga ti so lo yeke na mosoro mingi.

Matthieu 27:3

So Judas, zo ti kango Jésus, abaa so azo afâ ngbanga na li ti Jésus awe, be ti lo aso mingi si lo kiri na ale ti nginza baleota ti akota wayango-sandaga na *akangba na ala.

Marc 10:21

Jésus abaa lo, lo ye lo si lo tene na lo: “Mbeni ye oko angba na mo ti sarango ni: gue, mo ka aye ti mo kue, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Marc 10:23

Jésus abaa adisiple ti lo so angoro lo kue si lo tene na ala: “Ayeke ngangu na zo ti mosoro ti li na ya ti *Kodro-gbia ti Nzapa!”

Marc 6:20

Biani, Herode ayeke kpe mbeto ti Jean, ngbanga ti so lo hinga, lo tene, Jean ayeke zo ti mbirimbiri, lo yeke nga zo so Nzapa azia lo nde ndali ti lo. Herode ayeke bata lo titene azo asara sioni na lo pepe. Lo yeke na nzara mingi ti ma Jean-Baptiste; me tongana lo ma lo, lo hinga ye so lo lingbi ti sara ni pepe.

Marc 6:26

Vundu agbu be ti gbia ni mingi; me ngbanga ti dengo ba so lo de na le ti azo so kue lo tisa ala na matanga ni, lege ti ke tënë ti lo ni ayeke daa pepe.

Nzoni Tënë so Luc asu na mbeti 12:15

Na pekoni, Jésus atene na ala: “Ala sara hange! Ala sara si kota nzara ti warango aye asara ala pepe, ngbanga ti so tongana zo ayeke na aye mingi, aye ti lo ni laa alingbi ti bata fini ti lo pepe.”

Nzoni Tënë so Luc asu na mbeti 18:23

Me so lo ma tënë so, vundu agbu be ti lo, ngbanga ti so lo yeke na mosoro mingi.

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.

Efeze 5:5

Alingbi ala hinga nzoni atene, azo ti sarango ye ti ndumba, azo ti sarango ye ti kamene nga na azo so kota nzara ti warango ye ayeke na be ti ala, *Kodro-gbia ti Christ na ti Nzapa ayeke ga ti ala pepe. – Andaa sarango kota nzara ti warango ye ayeke mbeni lege ti vorongo anzapa nde. –

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.