Marc 10:21 - Mbeti ti Nzapa - Tënë so amu fini

²¹ Jésus abaa lo, lo ye lo si lo tene na lo: “Mbeni ye oko angba na mo ti sarango ni: gue, mo ka aye ti mo kue, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Marc 10:21 Iomraidhean Croise

Tongo nda ti aye 34:19

Maseka-koli ni aku pepe ti sara ye so ala hunda so, ngbanga ti so lo ye molenge ti Jacob ti wali mingi. Na popo ti amolenge ti babâ ti lo kue, lo laa azo akpe lo mingi.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Matthieu 19:21

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Marc 10:22

Me so koli ni ama atënë so, tere ti lo kue ade si lo gue na vundu na be ti lo, ngbanga ti so lo yeke na mosoro mingi.

Marc 8:34

Na pekoni, Jésus airi gba ti azo nga na adisiple ti lo si lo tene na ala: “Tongana mbeni zo aye ti mu peko ti mbi, ayeke nzoni lo zia ti gbu li na ndö ti lo wani, lo yo keke ti kroa ti lo si lo mu peko ti mbi.

Nzoni Tënë so Luc asu na mbeti 10:42

Taa nzoni ye ayeke gi oko. Marie laa asoro ti lo taa nzoni ye ni: fade mbeni zo ti zi ni na maboko ti lo ayeke daa pepe.”

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 16:9

Jésus akiri atene: “Ti mbi, mbi tene na ala: nginza ayeke handa azo titene ala sara aye ti kirikiri. Ti ala, ayeke nzoni ala mu nginza ti gi ti wara na a-ita; tongana nginza ni ayeke mbeni pepe, fade a-ita ni ayeke yamba ala na ya ti ada so ayeke ngba kpu na kpu.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 19:41

Jésus asi nduru na Jérusalem, lo baa gbata ni si lo toto ndali ni.

Nzoni Tënë so Luc asu na mbeti 9:23

Na pekoni, Jésus atene na ala kue, atene: “Tongana mbeni zo aye ti mu peko ti mbi, ayeke nzoni lo zia ti gbu li na ndö ti lo wani, lo yo keke ti kroa ti lo lakue si lo mu peko ti mbi.

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Awatokua 2:45

Ala yeke ka aye ti ala, ala yeke kangbi nginza ni na popo ti ala, zo oko oko awara ye alingbi na ye so atia lo.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Timothée 3:12

Biani, azo so kue aga oko na Jésus Christ si ala gbu tënë ti Nzapa mingi, fade a yeke sara ngangu na ala.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

Jacques 2:10

Tongana mbeni zo asara aye so kue ndia atene tënë ni, me lo buba lege ti mbeni tënë ti ndia ni oko, andaa ngbanga ti tanga ti ndia ni kue ayeke na li ti lo.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.

Aye so Nzapa afa 2:4

Me ye so mbi ke na mo ayeke so: mo ye mbi tongana ti kozoni pepe.