Marc 10:2 - Mbeti ti Nzapa - Tënë so amu fini

² Ambeni *farizien aga nduru na tere ti lo, ala ye ti sara si lo ti na ya ti gbanda ti ala; ala hunda lo, atene: “*Ndia ti e amu lege na koli ti tumba wali ti lo?”

Marc 10:2 Iomraidhean Croise

Malashii 2:16

Tënë so KOTA GBIA, Nzapa ti Israel, atene laa: “Tumbango wali ayeke ye so mbi ke tongana ti so mbi ke zo so ayeke sara ngangu na mba ti lo. Tënë so KOTA GBIA so ayeke na ndö ti dunia kue atene laa. Ala sara hange! Ala bata fini ti ala. Ala buba lege ti mbuki ti ala pepe!”

Matthieu 15:12

Tongaso, adisiple ti lo ague nduru na tere ti lo si ala tene na lo: “Mo hinga, mo tene, tënë so mo tene so aso be ti *afarizien mingi?”

Matthieu 16:1

*Afarizien na *asadusien aga nduru na tere ti Jésus; ala ye ti sara si lo ti na ya ti gbanda ti ala. Nilaa ala hunda na lo titene lo sara mbeni ye ti kpene ti fa na ala so Nzapa laa atokua lo.

Matthieu 19:3

Ambeni *farizien aga nduru na tere ti lo ti sara si lo ti na ya ti gbanda ti ala. Ala hunda lo, atene: “*Ndia ti e amu lege na koli ti tumba wali ti lo ndali ti atënë nde nde kue?”

Matthieu 22:35

Na popo ti ala, mbeni wafango-ndia oko aye ti sara si Jésus ati na ya ti gbanda ti lo; lo hunda Jésus, lo tene:

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 9:34

Me *afarizien atene: “Makonzi ti asioni yingo laa ayeke mu na lo ngangu ti tumba ayingo so!”

Marc 10:1

Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Marc 10:3

Jésus akiri tënë na ala: “Nyen laa Moïse amu yanga na ala ti sarango ni?”

Marc 8:11

*Afarizien asi si ala to nda ti *bingbi tënë na Jésus. Ala ye ti sara si lo ti na ya ti gbanda ti ala; nilaa ala hunda na lo titene lo sara mbeni ye ti kpene ti fa na ala so Nzapa laa atokua lo.

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Nzoni Tënë so Luc asu na mbeti 11:39

Tongaso *Kota Gbia atene na lo: “Ala afarizien, ala yeke sukula tere ti kopo na ti sembe, me nzara ti nzi na ti aye ti sioni asi singo na be ti ala.

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Nzoni Tënë so Luc asu na mbeti 5:30

*Afarizien na awafango-ndia ti ala ayeke kasa tënë ni si ala tene na adisiple ti Jésus, atene: “Ngbanga ti nyen laa ala yeke te, ala yeke nyon na azo ti rongo nginza ti lapo nga na azo ti siokpari so?”

Nzoni Tënë so Luc asu na mbeti 6:7

Le ti awafango-ndia na *afarizien kue ayeke gi na tere ti Jésus; ala yeke ku ti baa wala lo yeke kai kobela na *lango ti wungo tere titene ala wara mbeni tënë ti bi na li ti lo.

Nzoni Tënë so Luc asu na mbeti 7:30

Me *afarizien na awafango-ndia ake ti yeda na nzoni ye so Nzapa aleke ndali ti ala si ala ke ti wara bateme ti Jean.

Jean 11:47

Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Jean 11:57

Akota wayango-sandaga na afarizien amu yanga, atene: “Tongana mbeni zo ahinga ndo so Jésus ayeke daa, lo tene tënë ni si a lingbi ti gbu lo.”

Jean 7:32

*Afarizien ama atënë so gba ti azo ayeke tene na gbe ti go ti ala na tere ti Jésus. Tongaso akota wayango-sandaga na afarizien atokua aturugu ti gue ti gbu lo.

Jean 7:48

Mbeni makonzi ti e wala mbeni farizien oko so ama na be na lo ayeke daa?

Jean 8:6

Ala hunda tënë so ti sara si Jésus ati na ya ti gbanda ti ala si ala lingbi ti wara mbeni tënë ti bi na li ti lo. Me Jésus aba tere ti lo na sese si lo yeke su mbeti na sese na li ti maboko ti lo.

1 Korente 10:9

E tara be ti Christ pepe tongana ti so ambeni na popo ti akotara asara ando si angbo ate ala, ala kui so.