Marc 10:14 - Mbeti ti Nzapa - Tënë so amu fini

¹⁴ So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Marc 10:14 Iomraidhean Croise

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Abia (Psaumes) 78:4

E yeke honde ni na amolenge ti e pepe, me e yeke tene na azo so a yeke du ala na peko tënë ti gondango *KOTA GBIA, ngangu ti lo nga na akota ye so lo sara.

Ésaïe 65:23

Ala yeke kiri ti baa pasi senge senge pepe, ala yeke kiri ti du amolenge pepe titene amolenge ni akui kuingo. Biani, ala yeke asewa so KOTA GBIA asara tufa na ndö ti ala, ala na amolenge ti ala.

Wungo ti azo 14:31

Âdu ti akete molenge ti ala so lani ala tene, fade awato ayeke gbu ala so, amolenge ni laa mbi yeke sara titene ala li na ya ti kodro ni; ala yeke hinga kodro so ala, azo ti Israel ake ni so.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:4

Kota zo ti Kodro-gbia ti yayu ayeke zo so asara tere ti lo kete si lo ga tongana molenge so.

Matthieu 19:14

Tongaso Jésus atene na ala: “Ala zia akete molenge aga na mbi, ala kanga lege na ala pepe, ngbanga ti so *Kodro-gbia ti yayu ayeke ndali ti azo so ayeke tongana amolenge so.”

Matthieu 5:10

Ti ala nzoni, ala so a yeke sara ngangu na ala ndali ti sarango ye ti mbirimbiri, ngbanga ti so Kodro-gbia ti yayu ayeke ti ala!

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Marc 3:5

Jésus abaa le ti ala oko oko kue na ngonzo; be ti lo awara vundu ngbanga ti sioni be ti ala. Lo tene na koli ni: “Yoro ya ti maboko ti mo.” Lo yoro ni si maboko ti lo akiri aga nzoni.

Marc 8:33

Me Jésus abaa ndo na peko, lo baa adisiple ti lo si lo suku na Pierre, lo tene: “Satan, hon kâ na tere ti mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Awatokua 3:25

Atënë so Nzapa azia ando na yanga ti awayanga ti lo si ala tene so ayeke ndali ti ala, azo ti Israel. Ala li na ya ti *mbuki so Nzapa asara na akotara ti ala so awe. Lo tene na Abraham: ‘Na lege ti mbeni *hale ti mo, mbi yeke sara tufa na ndö ti asewa ti dunia kue.’

Rome 11:16

Tongana a zia akozo mapa nde ndali ti Nzapa, tanga ti mapa ni kue ayeke ti lo. Tongana zo amu gunda ti keke na Nzapa, amaboko ti keke ni kue ayeke nga ti lo.

Rome 11:28

Azuife ake Nzoni Tënë awe, nilaa ala ga awato ti Nzapa; ye so asi ndali ti nzoni ti ala, azo ti amara nde. Me Nzapa asoro azuife titene ala ga azo ti lo, lo ye ala ndali ti akotara ti ala.

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

Efeze 4:26

Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.

1 Pierre 2:2

Ala duti tongana akete molenge so a du ala fafadeso: alingbi nzara ti tënë ti Nzapa asara ala tongana ti so nzara ti nyongo me ayeke sara kete molenge; tënë ti Nzapa so sioni ye oko ayeke daa pepe. Tongaso, na lege ni, fade ala yeke ga kota si ala soo kuâ.

Aye so Nzapa afa 14:5

Mbeni tënë ti mvene oko asigigi na yanga ti ala pepe; sioni ye oko ayeke na tere ti ala pepe.

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”

1 Samuel 1:22

Me ti so ni, Anne ague pepe. Lo tene na koli ti lo: “Mbi yeke ku ti zi molenge ni na me si mbi gue na lo na Silo; mbi yeke fa lo na KOTA GBIA si lo yeke ngba kâ biani biani.”