Marc 10:1 - Mbeti ti Nzapa - Tënë so amu fini

¹ Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Marc 10:1 Iomraidhean Croise

Zo ti bongbingo azo 12:9

Ye so zo ti bongbingo azo asara ayeke so: lo kiri lo fa hingango ye na azo. Lo ma *amato mingi, lo gi nda ni si lo leke ni na legeni.

Jérémie 32:33

Titene ala zia le ti ala na mbage ti mbi, ala zia gi peko ti ala na mbi. Ataa so mbi mu ngoi ti mbi kue ti fa ye na ala, ala ma pepe; ala ke ti ma wango ti mbi.

Matthieu 26:55

Na pekoni, Jésus atene na gba ti azo ni, atene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi! Lakue mbi yeke duti na ya ti kota da ti Nzapa ti fa ye, me ala gbu mbi pepe!

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Marc 1:21

Jésus na adisiple ti lo ague na gbata ti Kapernaum. Na *lango ti wungo tere, lo li na ya ti da ti sambelango Nzapa si lo to nda ti fa ye na azo.

Marc 10:2

Ambeni *farizien aga nduru na tere ti lo, ala ye ti sara si lo ti na ya ti gbanda ti ala; ala hunda lo, atene: “*Ndia ti e amu lege na koli ti tumba wali ti lo?”

Marc 12:35

So Jésus ayeke fa ye na ya ti kota da ti Nzapa, lo hunda mbeni tënë, lo tene: “Tongana nyen si awafango-ndia alingbi ti tene, *Mesii ayeke molenge ti David so?

Marc 14:49

Lakue mbi yeke na popo ti ala na ya ti kota da ti Nzapa ti fa ye, me ala gbu mbi pepe. Ye so asi tongaso titene tënë ti Mbeti ti Nzapa aga taa-tënë.”

Marc 2:13

Jésus akiri ague na yanga ti ngu ti Galile; gba ti azo aga na tere ti lo si lo yeke fa ye na ala.

Marc 4:2

Lo fa na ala aye mingi na lege ti atoli. Na ya ti aye so lo fa, lo tene:

Marc 6:2

Na *lango ti wungo tere, lo to nda ti fango ye na ya ti da ti sambelango Nzapa. Azo so abongbi mingi ti ma fango ye ti lo, li ti ala kue akpe. Ala hunda tere ti ala, atene: “Lo wara ye so kue na ndo wa? So mara ti ndara ti nyen laa lo yeke na ni so? Lo yeke sara aye ti kpene so na lege ti nyen?

Marc 6:34

So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

Marc 6:6

Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Jean 10:40

Jésus akiri ague na mbage ti ngu ti Jourdain, na ndo so Jean abatize azo kozoni daa si lo duti kâ.

Jean 11:7

Na pekoni, lo tene na adisiple: “E kiri na sese ti Judée.”

Jean 18:20

Jésus akiri tënë, atene: “Mbi yeke fa ye na azo kue polele; lakue mbi yeke fa ye na ya ti ada ti sambelango Nzapa nga na ya ti kota da ti Nzapa, na ndo so azuife kue ayeke bongbi daa. Mbi tene mbeni tënë na hondengo ni pepe.