Marc 1:45 - Mbeti ti Nzapa - Tënë so amu fini

⁴⁵ Me koli so ahon gi kete, lo to nda ti dekongo na tënë ni si lo fa ni na azo kue. Ndani laa, Jésus alingbi ti li na ya ti ambeni gbata na le ti azo pepe; lo gue, lo duti na ndo so azo ayeke daa pepe. Azo alondo na ya ti ando nde nde si ala gue na lo kâ.

Marc 1:45 Iomraidhean Croise

Abia (Psaumes) 77:11

Mbi tene na be ti mbi, mbi tene: “Ye so aso be ti mbi ayeke so: Nzapa so ayeke na yayu kâ na ndö ti aye kue ake fadeso ti sara mbeni ye ndali ti e.”

Matthieu 28:15

Aturugu ni amu nginza ni si ala sara ye alingbi na tënë so a fa na ala. Nilaa tënë ti mvene so awu na popo ti azuife ngbii asi laso.

Matthieu 9:26

Tënë ti ye so amu ya ti sese ni kue.

Matthieu 9:31

Me so ala sigigi awe, ala to nda ti tene tënë ti Jésus na ya ti sese ni kue.

Marc 2:13

Jésus akiri ague na yanga ti ngu ti Galile; gba ti azo aga na tere ti lo si lo yeke fa ye na ala.

Marc 3:20

Na pekoni, Jésus akiri na da. Azo akiri abongbi gbani gbani, lege titene lo na adisiple ti lo ate kobe ayeke daa pepe.

Marc 3:7

Jésus na adisiple ti lo agboto tere ti ala si ala gue na tere ti kota ngu ti Galile. Gba ti azo alondo na Galile nga na Judée aga si ala mu peko ti lo.

Marc 7:36

Jésus amu yanga na ala titene ala tene tënë ni na zo oko pepe. Me lakue tongana lo yeke ke na ala ti fa na azo tënë ti aye so lo sara, ala kiri adekongo na ni ahon ti kozoni.

Jean 6:2

Gba ti azo amu peko ti lo, ngbanga ti so ala baa aye ti kpene so lo sara ti kai kobela na tere ti azo.

Tite 1:10

Biani, ambeni zo mingi ayeke daa so li ti ala akpengba, ala yeke diko abuba tënë si ala yeke handa azo; mingi ti ala ayeke azuife so aga azo ti Christ.