Marc 1:4 - Mbeti ti Nzapa - Tënë so amu fini

⁴ Jean-Baptiste asi na ya ti benyama, lo yeke fa tënë na azo, lo tene: “Ala zia ngbene lege ti sarango ye ti ala, ala wara bateme si fade Nzapa ayeke zi asiokpari na li ti ala!”

Marc 1:4 Iomraidhean Croise

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Marc 1:5

Azo ti sese ti Judée kue na ala ti gbata ti Jérusalem aga na mbage ti Jean. Ala fa asiokpari ti ala na gigi si Jean abatize ala na ya ti ngu ti Jourdain.

Nzoni Tënë so Luc asu na mbeti 1:77

Mo yeke fa na azo ti lo lege so Nzapa ayeke zi tënë na li ti ala titene ala soo kuâ.

Jean 3:23

Jean nga ayeke batize azo na Enon, nduru na Salim, ngbanga ti so ngu ayeke kâ mingi. Azo aga na lo si lo yeke batize ala.

Awatokua 10:37

Ala hinga tënë ti aye so asi na sese ti Judée kue; aye ni ato nda ni na sese ti Galile, na peko ti bateme so Jean afa tënë ni.

Awatokua 22:16

Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”