Marc 1:32 - Mbeti ti Nzapa - Tënë so amu fini

³² Na lakui, so ndo ato nda ti vuko, azo amu azo so kue ayeke na kobela nga na azo so ayeke na asioni yingo aga na ala.

Marc 1:32 Iomraidhean Croise

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Matthieu 8:16

So lâ akui awe, azo aga na gba ti azo so ayeke na asioni yingo na Jésus. Gi na lege ti tënë ti yanga ti lo, Jésus atumba asioni yingo ni si lo kai kobela na tere ti azo so kue tere ti ala aso.

Matthieu 8:17

Lo sara tongaso titene tënë so wayanga-Nzapa Ésaïe atene ando, aga taa-tënë; lo tene: “Lo mu pasi ti e, lo hon na ni, lo yo akobela ti e na ndö ti lo.”

Marc 1:21

Jésus na adisiple ti lo ague na gbata ti Kapernaum. Na *lango ti wungo tere, lo li na ya ti da ti sambelango Nzapa si lo to nda ti fa ye na azo.

Marc 1:31

Lo gue na tere ti lo, lo gbu maboko ti lo si lo mu lo na nduzu. Tere ti mama ni ade, lo londo si lo to nda ti sara na ala.

Marc 3:2

Le ti azo ni ayeke gi na tere ti Jésus; ala yeke ku ti baa wala lo yeke kai kobela ti koli so na *lango ti wungo tere titene ala wara mbeni tënë ti bi na li ti lo.

Nzoni Tënë so Luc asu na mbeti 4:40

Na lakui ni, azo so kue ayeke na azo ti kobela nde nde na da ti ala amu ala, aga na ala na Jésus. Lo zia maboko ti lo na ndö ti ala si kobela ti ala akai.

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.