Marc 1:27 - Mbeti ti Nzapa - Tënë so amu fini

²⁷ Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Marc 1:27 Iomraidhean Croise

Matthieu 15:31

Li ti azo ni kue akpe, ngbanga ti so ala baa abuburu atene tënë, azo so mbage ti tere ti ala abuba, tere ti ala akiri aga nzoni, azo so gere ti ala abuba, ala yeke tambula, awaziba akiri abaa ndo. Tongaso ala gonda Nzapa ti Israel.

Matthieu 8:9

Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.”

Matthieu 9:33

So Jésus atumba sioni yingo ni awe, buburu ni ato nda ti tene tënë. Be ti gba ti azo ni ado si ala tene: “Ade e baa mara ti ye tongaso na kodro ti Israel laoko pepe!”

Marc 1:26

Tongaso sioni yingo ni adekongo, lo yingi koli ni ngangu si lo sigigi na ya ti lo.

Marc 1:28

Gi hio tongaso, sango ti Jésus amu ya ti sese ti Galile kue.

Marc 10:24

Na ndö ti tënë so, li ti adisiple ni kue akpe, me Jésus akiri tënë na ala: “Amolenge ti mbi, ayeke ngangu mingi ti li na ya ti Kodro-gbia ti Nzapa!

Marc 10:32

Jésus na adisiple ti lo ayeke na lege ti gue na Jérusalem; lo yeke tambula na dawa ti ala. Be ti ala ado, mbeto agbu azo so kue amu peko ti ala. Jésus akiri amu adisiple baleoko na use na tere ti lo si lo to nda ti fa na ala tënë ti ye so fade ayeke si na lo.

Marc 16:5

Ala li na ya ti du ti kuâ ni, ala baa mbeni maseka-koli so aduti na mbage ti maboko ti ala ti koli, lo yu yongoro vuru bongo; mbeto asara ala.

Marc 16:6

Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Marc 7:37

Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”

Nzoni Tënë so Luc asu na mbeti 4:36

Li ti azo ni kue akpe si ala tene na popo ti ala, atene: “So mara ti tënë ti nyen laa? Lo yeke mu yanga na ngangu tongana gbia na asioni yingo si ala yeke sigigi!”

Nzoni Tënë so Luc asu na mbeti 9:1

Jésus abongbi adisiple baleoko na use si lo mu na ala ngangu na komandema ti tumba na asioni yingo kue nga ti kai na akobela.

Awatokua 17:19

Ala mu lo na peko ti ala, ague na lo na gbe ti bongbi ti azo ti Areopaze si ala hunda lo: “E lingbi ti hinga fini tënë so mo yeke fa ni so?