Marc 1:21 - Mbeti ti Nzapa - Tënë so amu fini

²¹ Jésus na adisiple ti lo ague na gbata ti Kapernaum. Na *lango ti wungo tere, lo li na ya ti da ti sambelango Nzapa si lo to nda ti fa ye na azo.

Marc 1:21 Iomraidhean Croise

Matthieu 4:13

Lo zia gbata ti Nazaret si lo gue, lo duti na gbata ti Kapernaum, so ayeke na tere ti kota ngu ti Galile, na sese ti Zabulon na ti Neftali.

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Marc 1:20

Gi hio tongaso, Jésus airi ala. Ala zia babâ ti ala na azo ti kua ti lo na ya ti ngo ni si ala mu peko ti lo.

Marc 1:29

Gi so ala sigigi na ya ti da ti sambelango Nzapa ni, Jésus amu Jacques na Jean na tere ti lo, ala gue na da ti Simon na André.

Marc 1:33

Azo ti gbata ni kue abongbi tere ti ala na yanga ti da ni.

Marc 1:39

Tongaso Jésus atambula na ya ti ada ti sambelango Nzapa na sese ti Galile kue; lo fa Nzoni Tënë si lo tumba nga asioni yingo.

Marc 10:1

Na pekoni, Jésus alondo na ndo so si lo gue na sese ti Judée, na mbage ti ngu ti Jourdain. Gba ti azo akiri abongbi na tere ti lo si lo to nda ti fa ye na ala tongana ti so lo yeke sara lakue.

Marc 2:1

Lango kete na pekoni, Jésus akiri na Kapernaum. So azo ama a tene, lo yeke na yanga-da,

Marc 3:1

Jésus akiri ague na ya ti da ti sambelango Nzapa; mbeni koli so maboko ti lo abuba ayeke kâ.

Marc 6:2

Na *lango ti wungo tere, lo to nda ti fango ye na ya ti da ti sambelango Nzapa. Azo so abongbi mingi ti ma fango ye ti lo, li ti ala kue akpe. Ala hunda tere ti ala, atene: “Lo wara ye so kue na ndo wa? So mara ti ndara ti nyen laa lo yeke na ni so? Lo yeke sara aye ti kpene so na lege ti nyen?

Nzoni Tënë so Luc asu na mbeti 10:15

Ti mo, gbata ti Kapernaum, mo baa ti mo, mo tene, fade mo yeke gue ngbii ti kpo le ti nduzu? Fade mo yeke kiri ngbii ti si na ndo ti akuâ!”

Nzoni Tënë so Luc asu na mbeti 13:10

Na mbeni *lango ti wungo tere, Jésus ayeke fa ye na ya ti mbeni da ti sambelango Nzapa.

Nzoni Tënë so Luc asu na mbeti 4:16

Jésus akiri na gbata ti Nazaret, ndo so a bata lo daa. Na *lango ti wungo tere, lo li na ya ti da ti sambelango Nzapa tongana ti so lo yeke sara lakue. Lo londo ti diko Mbeti ti Nzapa

Nzoni Tënë so Luc asu na mbeti 4:23

Lo tene na ala, lo tene: “Fade ala yeke tene na mbi *mato so: ‘Wanganga, mo kai kobela ti mo wani!’ Ala yeke tene nga na mbi, atene: ‘E ma tënë ti aye so mo sara na Kapernaum; mo sara ni nga na kodro ti mo ge ma!’ ”

Awatokua 17:2

Paul ague kâ tongana ti so lo yeke sara ka lakue. Na ya ti *alango ti wungo tere ota kue, lo na azo ni ayeke tene tënë na ndö ti Mbeti ti Nzapa;

Awatokua 18:4

Lakue na *lango ti wungo tere, lo yeke mu tënë na ya ti da ti sambelango Nzapa si lo yeke gi lege ngangu titene azuife na agreke ayeda na tënë ti lo.