Malashii 1:8 - Mbeti ti Nzapa - Tënë so amu fini

⁸ So ala mu nyama so le ti lo abuba, aga na lo ti mu na *sandaga so, sioni laa ala sara so pepe? So ala mu nyama so gere ti lo abuba, wala lo yeke na kobela, aga na lo so, sioni laa ala sara so pepe? Tongana ala gue na mara ti anyama tongaso na govoronere ti ala, fade be ti lo ayeke nzere na ala? Lo yeke yamba ala nzoni? Tënë so KOTA GBIA so ayeke na ndö ti dunia kue atene laa.

Malashii 1:8 Iomraidhean Croise

Mbeti ti Job 42:8

Fadeso, ala mu akoli-bagara mbarambara, akoli-taba mbarambara, ala gue, awara Job, zo ti kua ti mbi. Ala mu anyama ni na *sandaga so a yeke gbi kue na wâ ndali ti ala wani. Fade Job ayeke sambela ndali ti ala, mbi yeke yeda na sambela ti lo. Tongaso, mbi yeke sara na ala pepe alingbi na ye ti buba so ala sara; ala tene taa-tënë na ndö ti mbi pepe; gi Job, zo ti kua ti mbi laa atene taa-tënë.”

Abia (Psaumes) 20:3

So lo yeke na ya ti kota da ti lo, ayeke nzoni lo mu na mo maboko. So lo yeke na gbata ti *Sion, ayeke nzoni lo mu na mo ngangu.

Jérémie 14:10

Tënë so KOTA GBIA atene na azo so ayeke so: “Biani, ala ye gi ti tambula kirikiri, ngbonda ti ala agbu sese pepe.” Ye ni anzere na be ti KOTA GBIA pepe. Fadeso, lo dabe ti lo na asioni ti ala, lo yeke pika ala ndali ti aye ti kirikiri ti ala.

Osée 8:13

Ala yeke fâ anyama ti mu na *sandaga, ngbanga ti so ala ye ti te kasa ti anyama ni; me sandaga ni azia ngia na be ti KOTA GBIA pepe. Fadeso, KOTA GBIA adabe ti lo na sioni ti ala si lo yeke ga ti kiri na ala peko ti sioni ndali ti asiokpari ti ala. Fade ala yeke kiri na Ezipte.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Malashii 1:7

Ala mu kobe so ayeke *sioni, ala zia na ndö ti gbalaka ti mbi. Ala hunda mbi, atene: ‘Nyen laa e sara si abuba nengo ti mo?’ Na lege so ala tene: ‘Meza ti KOTA GBIA ayeke senge ye.’

Ndia ti fani use ni 15:21

Tongana mbeni mbage ti tere ti nyama oko abuba, gere ti lo wala le ti lo, wala mbeni sioni ye nde ayeke na tere ti lo, ala mu lo na *sandaga na KOTA GBIA Nzapa ti ala pepe.