Malashii 1:7 - Mbeti ti Nzapa - Tënë so amu fini

⁷ Ala mu kobe so ayeke *sioni, ala zia na ndö ti gbalaka ti mbi. Ala hunda mbi, atene: ‘Nyen laa e sara si abuba nengo ti mo?’ Na lege so ala tene: ‘Meza ti KOTA GBIA ayeke senge ye.’

Malashii 1:7 Iomraidhean Croise

Ezekiel 41:22

gbalaka so a leke na keke. Gbalaka ni ayo na nduzu kudee ota, kudee use na mbage. Andangoro ni, agere ni nga na atere ni ayeke na keke. Koli ni atene na mbi: “Meza so a zia na dawa ti KOTA GBIA laa.”

Ezekiel 44:16

Ala laa ala yeke li na ndo so a zia ni nde ndali mbi, ala yeke ga nduru na tere ti meza ti mbi ti sara kua na mbi. Ala yeke bata lege ti kua ni.

Awayango-sandaga 2:11

“Sandaga ti ale ti kobe so kue ala yeke mu na KOTA GBIA, alingbi ala zia mama ti mapa daa pepe. Biani, fade ala yeke mu mama ti mapa, wala mafuta ti wotoro ti zö na mapa ti mu na sandaga na KOTA GBIA laoko pepe.

Awayango-sandaga 21:6

Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.

Awayango-sandaga 21:8

Alingbi zo ti Israel oko oko abaa wayango-sandaga tongana zo so ayeke nde si ayeke nzoni kue. Biani, ala laa ayeke ya na mbi kobe so ala, azo ti Israel ayeke ga na ni na mbi, Nzapa ti ala. Fade ala yeke baa awayango-sandaga tongana azo so ayeke nde si ayeke nzoni kue, ngbanga ti so mbi KOTA GBIA, mbi yeke nde si mbi yeke nzoni kue. Mbi laa mbi yeke sara titene ala duti nde si ala duti nzoni kue.

Awayango-sandaga 3:11

Na pekoni, wayango-sandaga ayeke zö aye ni kue na ndö ti gbalaka. So ayeke kobe ti sandaga so a gbi ni kue na wâ ndali ti KOTA GBIA.

Malashii 1:12

Me ala, awayango-sandaga, ala baa iri ti mbi tongana senge ye si ala tene: ‘Meza ti KOTA GBIA aga *sioni awe. Kobe so ayeke na ndö ni so akpa pepe.’

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Malashii 1:8

So ala mu nyama so le ti lo abuba, aga na lo ti mu na *sandaga so, sioni laa ala sara so pepe? So ala mu nyama so gere ti lo abuba, wala lo yeke na kobela, aga na lo so, sioni laa ala sara so pepe? Tongana ala gue na mara ti anyama tongaso na govoronere ti ala, fade be ti lo ayeke nzere na ala? Lo yeke yamba ala nzoni? Tënë so KOTA GBIA so ayeke na ndö ti dunia kue atene laa.

1 Korente 10:21

Ala lingbi ti nyon ye na ya ti kopo ti Kota Gbia nga na ya ti kopo ti asioni yingo legeoko pepe; ala lingbi ti te kobe ti Kota Gbia na kobe ti asioni yingo legeoko pepe.

Ndia ti fani use ni 15:21

Tongana mbeni mbage ti tere ti nyama oko abuba, gere ti lo wala le ti lo, wala mbeni sioni ye nde ayeke na tere ti lo, ala mu lo na *sandaga na KOTA GBIA Nzapa ti ala pepe.