Malashii 1:4 - Mbeti ti Nzapa - Tënë so amu fini

⁴ Tongana azo ti Edom atene: ‘A buba agbata ti e kue awe, me fade e yeke kiri ti leke ni senge.’ ” Tënë so KOTA GBIA so ayeke na ndö ti dunia kue atene ayeke so: “Ala kiri aleke ni ma! Me ti mbi, mbi yeke kungbi ni kue na sese. Fade a yeke iri ala: ‘Sese ti azo ti sarango sioni’, wala ‘Azo so KOTA GBIA asara ngonzo na tere ti ala kpu na kpu’.

Malashii 1:4 Iomraidhean Croise

Mbeti ti Job 12:14

Tongana Nzapa abuba ye, zo oko ti kiri ti leke ni ayeke daa pepe; tongana lo bi mbeni zo na da ti kanga, zo oko ti zi lo ayeke daa pepe.

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 137:7

KOTA GBIA, dabe ti mo na azo ti Edom; ando, na ngoi so ye ti ngangu asi na Jérusalem, ala tene: “Kungbi ni, kungbi ni ngbii asi na agere ni kue!”

Abia (Psaumes) 33:10

Aye so amara nde aye ti sara, KOTA GBIA akanga lege ni. Aye so azo aleke na be ti ala ti sarango ni, KOTA GBIA abuba lege ni.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 11:14

Na mbage ti Do, ala yeke ti na ndö ti azo ti Filistii; na mbage ti To, ala kue ayeke nzi ye ti amara so ayeke na benyama: azo ti mara ti Edom na ti Moab ayeke ti na gbe ti ala, azo ti mara ti Amon ayeke ga angbaa ti ala.

Ésaïe 34:10

Na bi wala na kota lâ, gudron ni ayeke mingo pepe. Guru ti wâ ayeke londo daa lakue lakue. Ngu na ngu, kodro ni ayeke ngba benyama, zo oko ayeke kiri ti hon na ya ni pepe.

Ésaïe 34:5

Na yayu kâ, yongoro zeme ti KOTA GBIA ayeke tongana zo so anyon samba ahon ndö ti lo Baa yongoro zeme ni ayeke ti na ndö ti azo ti Edom, na ndö ti azo so KOTA GBIA azia ala titene a fâ ala, a hunzi ala.

Jérémie 31:17

Mo lingbi ti zia be ti mo ti ku anzoni ye ndali ti gigi ti mo ti gbanda; so tënë ti yanga ti KOTA GBIA laa: Fade amolenge ti mo ayeke kiri na sese ti ala.

Jérémie 49:20

Azo, ala ma tënë ti ye so KOTA GBIA agbu li ti lo ti sara na Edom, tënë ti ye so lo leke na be ti lo ti sara na azo so alango na Teman. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Jérémie 49:8

Ala azo ti Dedan, ala turne peko, ala kpe! Ala honde tere ti ala na ya ti adu ti têne! Mbi yeke sara si ye ti vundu aga na ndö ti ala, *ahale ti Ezau; ndembe titene mbi ga na tere ti ala alingbi awe.

Jérémie 5:17

Fade ala yeke te ale ti kobe ti mo na mapa ti mo kue; ala yeke te amolenge ti mo ti koli na ti wali; ala yeke te anyama ti mo kue: abagara, ataba na angasa; ala yeke te akeke ti *vinye na ti fige ti mo. Agbata ti mo so gbagba ti bira ayeke na tere ni si mo baa mo tene, mbeni sioni ye ayeke wara mo na ya ni pepe so, fade ala yeke buba ni kue na lege ti bira.

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Ezekiel 11:10

Mbi yeke fâ ngbanga na li ti ala taa na ndö ti sese ti Israel si ala yeke kui na ya ti bira. Tongaso, fade ala yeke hinga atene, mbi laa mbi yeke KOTA GBIA.

Ezekiel 25:13

Ndali ni, tënë so mbi Kota Gbia NZAPA, mbi tene ayeke so: Fade mbi yeke yoro maboko ti mbi ti pika azo ti Edom; mbi yeke hunzi azo na anyama ti kodro ni kue kue kue. Mbi yeke sara titene kodro ni aga ndo ti gba ti atêne, ato nda ni na gbata ti Teman ngbii asi na Dedan. Fade a yeke fâ azo ni na yongoro zeme.

Ezekiel 25:14

Mbi yeke sara titene azo ti Israel, azo ti mbi akiri peko ti sioni na azo ti Edom. Ala yeke sara na azo ti Edom alingbi na ngonzo ti mbi nga na ngonzo ti mbi ti wâ. Tongaso, fade azo ti Edom ayeke hinga lege so mbi yeke kiri peko ti sioni na zo. So tënë ti yanga ti Kota Gbia NZAPA laa.”

Ezekiel 26:14

Mbi yeke sara titene ndö ti kota têne ti mo angba senge; mo yeke ga ndo so azo ti gingo susu ayeke gbara agbanda ti ala daa titene ahole; a yeke kiri ti leke mo pepe. Biani, mbi KOTA GBIA, mbi tene tënë awe. So tënë ti yanga ti Kota Gbia NZAPA laa.

Ezekiel 35:4

Mbi yeke sara titene agbata ti mo aga ndo ti gba ti atêne; mo wani, mo yeke ga benyama. Tongaso, fade mo yeke hinga, mo tene, mbi laa mbi yeke KOTA GBIA.

Ezekiel 35:9

Mbi yeke sara titene mo ga benyama kpu na kpu; azo ayeke kiri ti lango na ya ti agbata ti mo pepe. Tongaso, fade mo yeke hinga, mo tene, mbi laa mbi yeke KOTA GBIA.

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 3:15

Ada ti ala so ala leke ndali ti ngoi ti buru na ada ti ala so ala leke ndali ti ngoi ti ngu-Nzapa, fade mbi yeke kungbi ni kue na sese. Ada so ala sara na apembe ti doli, na akota da ni ayeke tuku kue na sese!” So tënë ti yanga ti KOTA GBIA laa.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 6:11

Biani, KOTA GBIA amu gi yanga: akota da ayeke tuku na sese gburrr; ataa akete da ayeke suru kirikiri.

Amos 6:2

Ala gue, abaa gbata ti Kalne; ala londo na ndo so ala gue na Hamat, kota gbata. Na pekoni, ala zu ague na Gat, gbata ti azo ti Filistii. Nyen laa agbata so ahon akodro ti ala na ni, nyen? Sese ti azo ni akono ahon ti ala?

Abdias 1:1

So ayeke ye so Abdias abaa na ya ti mbeni ye tongana bango-li. Tënë so Kota Gbia NZAPA atene na ndö ti azo ti mara ti Edom laa. *KOTA GBIA atokua mbeni zo na popo ti amara nde, e ma zo ti tokua ni atene: “Ala londo, e gue, e ti na ndö ti gbata ni! E tiri bira!”

Abdias 1:10

“Ala azo ti Edom, ndali ti ngangu so ala sara ando na a-ita ti ala *ahale ti Jacob, fade kamene ayeke gbu le ti ala si ti ala ayeke hunzi biani biani.

Malashii 1:3

me mbi ke Ezau. Mbi sara si ahoto ti lo aga ngonda; mbi mu aye ti lo na *anzagua ti benyama.

Matthieu 12:30

Zo so ayeke na mbage ti mbi pepe, andaa lo ke mbi; zo so ayeke bongbi aye legeoko na mbi pepe, andaa lo yeke kangbi ya ti aye ni kirikiri.