Malashii 1:3 - Mbeti ti Nzapa - Tënë so amu fini

³ me mbi ke Ezau. Mbi sara si ahoto ti lo aga ngonda; mbi mu aye ti lo na *anzagua ti benyama.

Malashii 1:3 Iomraidhean Croise

Tongo nda ti aye 25:23

KOTA GBIA atene na lo: “Amara use ayeke na ya ti mo; amara use ayeke sigigi na ya ti mo ti kangbi tere ti ala. Mbeni mara ni oko ayeke ngangu ahon mbeni, yaya ni ayeke sara kua na gbe ti ngambe ni.”

Ésaïe 35:7

Mbutu so amu wâ mingi ayeke kiri ti ga kota ngu, sese so ngu atia daa ayeke kiri ti ga ali ti ngu. Ndo so lani *anzagua ayeke lango daa, asosongo na apere ti ya ti ngu asigigi daa.

Jérémie 49:10

Ala, *ahale ti Ezau, mbi laa mbi yeke zi aye ti ala na maboko ti ala, mbi yeke fa ndo so ala honde tere ti ala daa: ala lingbi ti honde tere ti ala mbeni pepe. Mara ti ala, na a-ita ti ala na azo so ayeke nduru na ala, fade a yeke hunzi ala kue; zo ayeke kiri ti tene na ala pepe, atene:

Jérémie 49:20

Azo, ala ma tënë ti ye so KOTA GBIA agbu li ti lo ti sara na Edom, tënë ti ye so lo leke na be ti lo ti sara na azo so alango na Teman. Biani, fade a yeke gbu ala ti hon na ala tongana akete bagara. Biani, ndali ti ala, fade a yeke buba ndo ti dutingo ti ala.

Jérémie 49:33

Gbata ti Hasor ayeke ga ndo ti lango ti *anzagua; gbata ni ayeke ga kota ngonda kpu na kpu; zo ayeke kiri ti lango ndo so pepe, a yeke kiri ti baa le ti zo oko na ndo so pepe.”

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Jérémie 49:8

Ala azo ti Dedan, ala turne peko, ala kpe! Ala honde tere ti ala na ya ti adu ti têne! Mbi yeke sara si ye ti vundu aga na ndö ti ala, *ahale ti Ezau; ndembe titene mbi ga na tere ti ala alingbi awe.

Jérémie 51:37

Fade Babilone ayeke ga ndo ti gba ti atêne, ndo ti lango ti *anzagua; ndo so aga ngonda na ye so azo ayeke huru yanga ti ala na bango ni, zo ayeke kiri ti duti daa mbeni pepe.

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Abia ti demango tere 4:22

Azo ti gbata ti Sion, akpale so asi na ala na peko ti asioni ti ala aga nduru ti hunzi awe. Titene a gbu ala na ngangu a gue na ala na kodro wande, Nzapa ayeke kiri ti sara ye so pepe. Ti ala azo ti sese ti Edom, asioni ye so ala sara so, KOTA GBIA ayeke zia peko ni na ala senge pepe; fade lo yeke fa asiokpari ti ala na gigi.

Ezekiel 36:7

Ndani laa, tënë so mbi Kota Gbia NZAPA, mbi tene ayeke so: Mbi yoro maboko ti mbi na nduzu, mbi deba yanga ti mbi, mbi tene: Amara nde so angoro ala, ala laa kamene ni ayeke kiri ti gbu le ti ala.

Ezekiel 36:9

Biani, mbi yeke ga na mbage ti ala, mbi yeke kiri na mbage ti ala; azo ayeke kiri ti fâ yaka na ndö ti sese ti ala si ala lu kobe daa.

Abdias 1:10

“Ala azo ti Edom, ndali ti ngangu so ala sara ando na a-ita ti ala *ahale ti Jacob, fade kamene ayeke gbu le ti ala si ti ala ayeke hunzi biani biani.

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.