Malashii 1:2 - Mbeti ti Nzapa - Tënë so amu fini

² KOTA GBIA atene na azo ti lo: “Mbi ye ala.” Me ala tene: “Nyen laa afa atene mo ye e?” KOTA GBIA akiri tënë: “Ezau ayeke ita ti Jacob pepe? – So tënë ti yanga ti KOTA GBIA laa – Andaa mbi ye Jacob,

Malashii 1:2 Iomraidhean Croise

Tongo nda ti aye 25:23

KOTA GBIA atene na lo: “Amara use ayeke na ya ti mo; amara use ayeke sigigi na ya ti mo ti kangbi tere ti ala. Mbeni mara ni oko ayeke ngangu ahon mbeni, yaya ni ayeke sara kua na gbe ti ngambe ni.”

Tongo nda ti aye 25:25

Kozo molenge so asigigi, tere ti lo kue abe bengo. Kua ti tere ti lo amu tere ti lo kue tongana ti nyama. A di iri ti lo Ezau.

Tongo nda ti aye 25:26

Ita ti lo asigigi na peko ti lo; lo gbu ngbonda ti gere ti Ezau. A di iri ti lo Jacob. Na ndembe so a du amolenge so, Isaac ayeke na ngu baleomene.

Tongo nda ti aye 27:33

Tere ti Isaac kue ado ngangu mingi si lo hunda ndo, lo tene: “Ka zo wa laa ague na ngonda si aga na mbi nyama so, zo wa? Mbi te nyama ni kue awe kozo si mo ga so. Mbi sara tufa na ndö ti lo awe; fade tufa ni ayeke ngba na ndö ti lo.”

Tongo nda ti aye 48:4

Lo tene na mbi: ‘Baa, mbi yeke sara titene mo du ande amolenge, ala wu mingi. Mbi yeke sara titene azo ti amara mingi mingi abaa gigi na lege ti mo. Mbi yeke mu sese so na *ahale ti mo na peko ti mo si angba ti ala biani kpu na kpu.’

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

2 Agbia 3:8

Lo kiri lo tene: “Fade e yeke mu lege wa?” Yoram akiri tënë: “Fade e yeke mu lege ti benyama ti Edom.”

Ésaïe 43:4

Mbi sara tongaso, ngbanga ti so na le ti mbi, ngere ti mo ayeke ngangu, mo ne na le ti mbi si mbi ye mo. Tongaso, mbi mu azo na plase ti mo, mbi mu amara ti sanze na mo.

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Jérémie 2:31

– Ala, azo ti fadeso, ala ma tënë ti KOTA GBIA mbirimbiri! – Ala, azo ti Israel, mbi ga tongana benyama ndali ti ala? Wala kodro so ndo avuko daa pitipiti? Ala, azo ti mbi, ndani nyen si ala yeke tene: ‘E yeke gue na ndo so be ti e aye, e yeke kiri na mo mbeni pepe’ so?

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Jérémie 31:3

Yongoro kâ, KOTA GBIA asi na mbi, lo tene: ‘Mbi ye mo na ndoye so angba lakue lakue, ndani laa mbi ngba ti sara nzoni be na mo.

Amos 1:11

Tënë so KOTA GBIA atene ayeke so: “Mbi yeke na tënë na azo ti Edom ndali ti asioni ye ota, wala osio so ala sara: ala mu yongoro zeme si ala tumba peko ti a-ita ti ala, azo ti Israel, ala baa mawa ti a-ita ti ala ni oko pepe. Na ya ti ngonzo ti ala, ala ngba ti fâ a-ita ti ala ni, ala bata ala na be lakue. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Malashii 2:17

Ala woko KOTA GBIA na atënë ti ala. Ala hunda ndo, atene: “Atënë ti nyen laa e woko lo na ni?” Ala woko lo na lege ti tënë so ala yeke tene: “Zo so asara ye ti sioni, lo laa lo yeke nzoni zo na le ti KOTA GBIA. Mara ti azo tongaso laa be ti KOTA GBIA anzere na ala”; wala ala yeke tene: “Nzapa so ayeke fâ ngbanga mbirimbiri so ayeke na ndo wa?”

Nzoni Tënë so Luc asu na mbeti 10:29

Me wafango-ndia ni aye ti zi kamene na le ti lo si lo tene na Jésus: “Ka mba ti mbi ni ayeke zo wa?”

Jean 15:12

Ndia ti mbi ayeke so: ala ye tere na popo ti ala, tongana ti so mbi ye ala.

Ndia ti fani use ni 10:15

Me na popo ti amara kue, gi akotara ti ala oko laa be ti KOTA GBIA agbu ala si lo ye ala. Fadeso, ala *ahale ti ala laa lo soro ala na popo ti amara kue, tongana ti so a yeke baa ni laso so.

Ndia ti fani use ni 23:5

Biani, na ndembe so ala, azo ti Israel, ala sigigi na sese ti Ezipte, azo ni so amu kobe na ngu ti ga ti yamba na ala na lege pepe; me ala mu nginza na Balaam, molenge ti Beor si lo londo na Petor, na sese ti Mezopotamii ti nduzu, lo ga ti deba ala.

Ndia ti fani use ni 33:3

KOTA GBIA aye amara kue ti Israel. Lo yeke bata azo so kue ayeke ti lo, ala so aduti na sese na gbe ti lo si ala yeke ma ye so lo yeke fa na ala.

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.