Malashii 1:12 - Mbeti ti Nzapa - Tënë so amu fini

¹² Me ala, awayango-sandaga, ala baa iri ti mbi tongana senge ye si ala tene: ‘Meza ti KOTA GBIA aga *sioni awe. Kobe so ayeke na ndö ni so akpa pepe.’

Malashii 1:12 Iomraidhean Croise

2 Samuel 12:14

Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

Ezekiel 41:22

gbalaka so a leke na keke. Gbalaka ni ayo na nduzu kudee ota, kudee use na mbage. Andangoro ni, agere ni nga na atere ni ayeke na keke. Koli ni atene na mbi: “Meza so a zia na dawa ti KOTA GBIA laa.”

Ezekiel 44:16

Ala laa ala yeke li na ndo so a zia ni nde ndali mbi, ala yeke ga nduru na tere ti meza ti mbi ti sara kua na mbi. Ala yeke bata lege ti kua ni.

Osée 13:9

“Mo Israel, ye so abuba mo, ayeke ti so mo ke mbi awe, mbi so mbi lingbi fade ti mu maboko na mo so.

Awayango-sandaga 18:21

“Alingbi mo mu mbeni molenge ti mo oko pepe titene a gbi lo na wâ na *sandaga na nzapa Molek. So fade ayeke sara si iri ti mbi, Nzapa ti mo abuba: mbi laa mbi yeke KOTA GBIA.

Amos 2:7

Nzara ti mungo aye ti azo ti mawa ahon ndö ti ala, ataa fuku ti sese so ayeke na li ti ala; na le ti ngbanga, ala yeke sara si a fâ ngbanga ti asenge zo na legeni pepe. Molenge-koli na babâ ti lo ayeke lango gi na oko maseka-wali. Na sarango ye tongaso, ala yeke buba iri ti mbi so ayeke nde si ayeke nzoni kue.

Malashii 1:13

Ala yeke tene nga, atene: ‘Ae! So pasi ti nyen?’ Ala ne mbi pepe. Tënë so KOTA GBIA so ayeke na ndö ti dunia kue atene laa. Ala mu nyama so ala nzi nzingo, wala nyama so gere ti lo abuba, wala nyama so ayeke na kobela si ala mu na mbi na sandaga. Mara ti anyama tongaso laa alingbi ti nzere na be ti mbi? Tënë so KOTA GBIA atene laa.

Malashii 2:8

Me ala awayango-sandaga, ala zia lege so mbi fa na ala so awe. Na lege ti fango ye ti ala, ala sara si azo mingi amu sioni lege. Ala buba lege ti mbuki so ayeke na popo ti mbi na azo ti mara ti Lévi; tënë so KOTA GBIA so ayeke na ndö ti dunia kue atene laa.

Rome 2:24

Biani, Mbeti ti Nzapa atene: “Ndali ti ala azuife, azo ti amara nde ayeke zonga iri ti Nzapa.”