Malashii 1:1 - Mbeti ti Nzapa - Tënë so amu fini

¹ Nengo tënë. So tënë ti *KOTA GBIA so lo zia na yanga ti Malashii ti tene na azo ti Israel.

Malashii 1:1 Iomraidhean Croise

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Jérémie 23:33

*KOTA GBIA atene na Jérémie: “Tongana azo so, wala mbeni wayanga-Nzapa, wala mbeni wayango-sandaga ahunda mo, atene: ‘Nengo tënë ti KOTA GBIA so lo zia na ndö ti e tongana nengo kungba so ayeke so wa?’ Fade mo kiri tënë na ala, mo tene: ‘Ala laa ayeke nengo kungba ni. Ndani laa, fade mbi yeke bi ala yongoro; so tënë ti yanga ti KOTA GBIA laa.’

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Habakuk 1:1

So ayeke nengo tënë so wayanga-Nzapa Habakuk abaa na ya ti mbeni ye tongana bango-li.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 2:1

Na use ngu ni so Darius ayeke gbia, na lango baleoko na oko ti nze mbarambara ni, tënë ti *KOTA GBIA asi na wayanga-Nzapa Aggée titene lo tene peko ni:

Zakarii 12:1

Nengo tënë. So ayeke tënë so *KOTA GBIA atene na ndö ti azo ti Israel. So tënë ti yanga ti KOTA GBIA laa, lo so lo gbara le ti nduzu si lo lu gere ti sese, lo so lo zia pupu na ya ti zo, lo tene:

Zakarii 9:1

Nengo tënë ti *KOTA GBIA. Tënë ti KOTA GBIA ague, asi na sese ti Hadrak, tënë ni ague, aluti na gbata ti Damas. Biani, le ti KOTA GBIA ayeke gi na ndö ti amara ti Israel oko pepe, me le ti lo ayeke nga na ndö ti azo kue.

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.