Nzoni Tënë so Luc asu na mbeti 8:3 - Mbeti ti Nzapa - Tënë so amu fini

³ lo na Jeanne, wali ti Kuza, wabatango aye ti Herode, na Suzanne na ambeni wali mingi so ayeke mu ye ti ala wani ti mu maboko na Jésus na adisiple ti lo.

Nzoni Tënë so Luc asu na mbeti 8:3 Iomraidhean Croise

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

Ésaïe 23:18

Me aye so gbata ni ayeke wara nga na futa ti lo, a yeke zia ni nde ndali ti KOTA GBIA. A yeke bongbi ni pepe, a yeke bata ni pepe. Aye so lo wara so, a yeke vo na kobe na azo so ayeke duti na dawa ti KOTA GBIA, ala te ya ti ala asi; a yeke vo nga na apendere bongo na ala.

Matthieu 14:1

Na ndembe ni so, Herode, govoronere ti Galile ama sango ti Jésus;

Matthieu 14:3

Andaa Herode amu lani yanga na azo titene ala gbu Jean, akanga lo na zingiri si abi lo na da ti kanga. Herode akanga lo ndali ti Herodiade, wali ti ita ti lo Philippe.

Matthieu 14:6

Na lango ti matanga ti dungo Herode, molenge ti Herodiade ti wali adodo na le ti azo so Herode atisa ala. Lo zia ngia mingi na be ti Herode.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Matthieu 20:8

“So lâ akui awe, wa ti yaka ni atene na zo ti li ti kua ti lo: ‘Mo iri azo ti kua ni kue, mo futa na ala nginza ti ala. Mo to nda ni na azo so mbi iri ala na pekoni si mo hunzi na azo so mbi iri ala kozoni.’

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Matthieu 26:11

Biani, azo ti mawa ayeke duti lakue na popo ti ala, me ti mbi, mbi yeke duti lakue na popo ti ala pepe.

Matthieu 27:55

Awali mingi ayeke kâ, ala ngba ti ala yongoro si ala yeke baa ye ni: ala yeke tambula lani na peko ti Jésus, ala londo na Galile si aga ti sara kua na lo.

Nzoni Tënë so Luc asu na mbeti 24:10

Awali ni ayeke Marie ti kodro ti Magdala, Jeanne na Marie mama ti Jacques. Ambeni wali so ague na ala atene nga gi tënë ni so na *awatokua.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Filipe 4:22

Azo ti Nzapa so kue ayeke ge abara ala, mbirimbiri ala so ayeke na ya ti yangbo ti kota gbia ti Rome abara ala mingi.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.