Nzoni Tënë so Luc asu na mbeti 4:2 - Mbeti ti Nzapa - Tënë so amu fini

² Kâ, Zabolo atara be ti lo na ya ti lango baleosio. Na ya ti alango so kue, lo te kobe oko pepe si na pekoni, nzara asara lo.

Nzoni Tënë so Luc asu na mbeti 4:2 Iomraidhean Croise

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

1 Agbia 19:8

Élie alondo, lo te, lo nyon. So lo wara ngangu na lege ti kobe so awe, lo tambula lango baleosio, na bi baleosio ngbii lo si na Horeb, hoto ti Nzapa.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Sigingo 24:18

Moïse ali na ya ti mbinda ni si lo ma na li ti hoto ni. Lo ngba kâ lango baleosio na bi baleosio.

Sigingo 34:28

Moïse angba na KOTA GBIA na ndo so lango baleosio na bi baleosio. Lo te kobe pepe, lo nyon ngu pepe. Lo su na ndö ti atêne ni atënë ti mbuki so ayeke Andia baleoko.

Jonas 3:7

Lo na akota zo ti Ninive amu mbeni mbela si ala dekongo na ni na ya ti gbata ni, atene: “Azo, abagara na ataba, na anyama kue, ala te mbeni ye oko pepe wala ala nyon ngu pepe.

Matthieu 21:18

So Jésus alondo na ndaperere si lo kiri na ya ti gbata ni, nzara asara lo.

Matthieu 4:2

Na ya ti lango baleosio na bi baleosio, lo ke kobe si na pekoni nzara asara lo.

Nzoni Tënë so Luc asu na mbeti 4:3

Tongaso Zabolo atene na lo: “Tongana mo yeke Molenge ti Nzapa, mo mu yanga na têne so titene aga kobe!”

Jean 4:6

Du ti ngu ti Jacob ayeke kâ. Jésus awoko na peko ti tambula si lo duti na yanga ti du ti ngu ni. Andaa bekombite aga nduru awe.

Ndia ti fani use ni 9:18

Moïse atene: Na pekoni, mbi ti na sese na gbe ti KOTA GBIA. Mbi ngba na ndo so lango baleosio na bi baleosio tongana ti kozoni; mbi te kobe pepe, mbi nyon ngu pepe. Mbi sara ye so ndali ti siokpari so kue ala sara: ala sara ye so ayeke sioni mingi na le ti KOTA GBIA, ala zia ngonzo mingi na be ti lo.

Ndia ti fani use ni 9:25

So KOTA GBIA aye ti fâ ala kue, mbi ti na sese na gbe ti lo. Mbi ngba na ndo so lango baleosio na bi baleosio.

Ndia ti fani use ni 9:9

Mbi gue na li ti hoto ni ti mu akpangbara têne so a su atënë ti *mbuki na le ni, mbuki so KOTA GBIA asara lani na ala so. Mbi ngba na li ti hoto ni lango baleosio na bi baleosio; mbi te kobe pepe, mbi nyon ngu pepe.

Ahebro 2:18

Biani, lo lingbi ti mu maboko na azo so aye ti tarango be asi na ala, ngbanga ti so lo nga, lo baa pasi si aye ti tarango be asi ando na lo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

1 Samuel 17:16

Na ya ti lango baleosio, zo ti Filistii so ayeke sigigi na ndaperere nga na lakui si lo yeke luti na le ti aturugu ti Israel.