Nzoni Tënë so Luc asu na mbeti 2:4 - Mbeti ti Nzapa - Tënë so amu fini

⁴ Joseph nga alondo na gbata ti Nazaret, na sese ti Galile ti gue na Judée, na Betlehem, gbata so a du gbia David daa. Biani, lo gue kâ, ngbanga ti so lo yeke mbeni *hale ti David.

Nzoni Tënë so Luc asu na mbeti 2:4 Iomraidhean Croise

Tongo nda ti aye 35:19

Rachel akui si a lu lo na lege ti Efrata, so ti tene na Betlehem.

Tongo nda ti aye 48:7

Ti mbi, na ndembe so mbi londo na sese ti Mezopotamii si mbi yeke ga, wali ti mbi Rachel akui na maboko ti mbi na lege, na ndembe so e ga nduru ti si na Efrata, na sese ti Kanaan. Mbi lu lo gi na tere ti lege so ague na Efrata so ayeke na Betlehem.”

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Nzoni Tënë so Luc asu na mbeti 2:3

Azo kue ague ti su iri ti ala na mbeti, zo oko oko na gbata ti lo wani.

Nzoni Tënë so Luc asu na mbeti 2:5

Lo gue ti su iri ti lo na mbeti, lo na Marie, wali so lo ye ti mu lo; Marie ayeke na ngo.

Nzoni Tënë so Luc asu na mbeti 4:16

Jésus akiri na gbata ti Nazaret, ndo so a bata lo daa. Na *lango ti wungo tere, lo li na ya ti da ti sambelango Nzapa tongana ti so lo yeke sara lakue. Lo londo ti diko Mbeti ti Nzapa

Jean 1:46

Natanael ahunda lo, atene: “Mbeni ye ti nzoni alingbi ti londo na Nazaret ti ga?” Philippe atene na lo: “Ga mo baa.”

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Ruth 1:19

Ala use kue atambula ngbii asi na Betlehem. Na singo ti ala kâ, li ti azo ti kodro ni kue akpe na bango ala. Awali ahunda tere ti ala, atene: “So Noemi laa pepe?”

Ruth 2:4

Na pekoni, Booz alondo na Betlehem asi. Lo bara azo ti fango ale ti kobe ni, lo tene: “KOTA GBIA aduti na ala-oo!” Azo ti fango ale ti kobe ni abara lo, atene: “KOTA GBIA asara tufa na ndö ti mo-oo!”

Ruth 4:11

Akangba na azo ti kodro so kue ayeke na ndo so azo ayeke leke ka tënë daa so atene: “Een, e kue laa, e yeke na tere ti tënë ni. Ayeke nzoni *KOTA GBIA asara si wali so ayeke li na ya ti da ti mo so aga tongana Rachel na Lea, so gi ala use asara si sewa ti Israel aga kota so. Ayeke nzoni mo wara mosoro mingi na ya ti kodro ti Efrata, iri ti mo awu amu ya ti kodro ti Betlehem kue.

Ruth 4:17

Awali so ayeke lango nduru na tere ti lo atene: “A du molenge-koli na Noemi awe.” Ala di iri ti molenge ni Obed. Obed ayeke babâ ti Yese so ayeke babâ ti David.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:4

Samuel asara ye so KOTA GBIA atene tënë ni si lo gue na Betlehem. *Akangba ti kodro aga awara lo, tere ti ala ayeke do na mbeto si ala hunda lo, atene: “Mo ga na e nzoni tënë?”

1 Samuel 17:12

David ayeke molenge ti Yese, zo ti kete mara ti Efrata; Yese ayeke lango na Betlehem, na sese ti Juda. Lo yeke na amolenge-koli miombe. Na ndembe so Saul ayeke gbia, lo ga mbakoro ahon ndoni.

1 Samuel 17:58

Saul ahunda lo: “Molenge ti mbi, babâ ti mo ayeke zo wa?” David akiri tënë: “Mbi yeke molenge ti Yese, zo ti gbe ti mo ti Betlehem.”

1 Samuel 20:6

Tongana babâ ti mo abaa so mbi yeke daa pepe, fade mo tene na lo: ‘David ahunda mbi mingi titene mbi zia lege na lo ti gue na Betlehem, gbata so a du lo daa. Lo ye titene lo na azo ti sewa ti lo kue asara matanga ti mungo *sandaga so ala yeke sara ka na ya ti ngu oko oko.’