Nzoni Tënë so Luc asu na mbeti 1:11 - Mbeti ti Nzapa - Tënë so amu fini

¹¹ Mbeni *ange ti Kota Gbia asi na Zakarii; lo luti na tere ti gbalaka na mbage ti maboko ti koli, gbalaka so a yeke zö ka dukani na ndö ni.

Nzoni Tënë so Luc asu na mbeti 1:11 Iomraidhean Croise

Awayango-sandaga 16:13

Kâ, na dawa ti KOTA GBIA, lo yeke zia yombo ni na le ti wâ titene guru ni amu ndö ti ye ti kangango na yanga ti sanduku ti mbuki, sanduku so a zia na ya ni atêne so a su atënë ti mbuki na le ni. Tongana lo sara tongaso, fade lo yeke kui pepe.

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Nzoni Tënë so Luc asu na mbeti 1:28

Ange ni asi na ndo so lo yeke daa si atene na lo: “Mbi bara mo-oo! Nzapa asara nzoni be na mo. *Kota Gbia ayeke na mo.”

Nzoni Tënë so Luc asu na mbeti 2:10

Me ange ni atene na ala: “Ala sara mbeto pepe, ngbanga ti so mbi ga ti tene mbeni nzoni tënë na ala, tënë ni ayeke zia ngia na be ti azo kue.

Nzoni Tënë so Luc asu na mbeti 2:9

Mbeni *ange ti *Kota Gbia asi na ala; gonda ti Kota Gbia aza na ndö ti ala si mbeto agbu ala mingi.

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Aye so Nzapa afa 9:13

Omene ange ni ahuru tatalita ti lo. Mbi ma mbeni go so alondo na mbage ti andangoro osio ti gbalaka so asara na lôro si ayeke na dawa ti Nzapa so.

Awafango-ngbanga 13:3

Mbeni lâ, *ange ti KOTA GBIA asi na wali ni si atene na lo: “Mbi hinga, mo yeke na molenge pepe, ngbanga ti so mo yeke wali ti dungo ni pepe. Me fade mo yeke mu ngo si mo yeke du molenge-koli.

Awafango-ngbanga 13:9

Nzapa ama sambela ti Manoa. Tongaso ange ti Nzapa akiri aga na tere ti wali ni na ndembe so wali ni ayeke na yaka; koli ti lo ayeke daa pepe.