Nzoni Tënë so Luc asu na mbeti 1:1 - Mbeti ti Nzapa - Tënë so amu fini

¹ Azo mingi agi lege ti su na mbeti tënë ti aye so asi na popo ti e;

Nzoni Tënë so Luc asu na mbeti 1:1 Iomraidhean Croise

Marc 16:20

Adisiple ague ti fa Nzoni Tënë na ndo kue. Kota Gbia ayeke sara aye ti kpene na lege ti ala ti fa na azo so tënë ti Nzapa ayeke taa-tënë.]

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Rome 14:5

Mbeni zo abaa mbeni lango tongana kota lango ahon atanga ni; mbeni zo abaa ti lo alango ni kue gi legeoko. Alingbi zo oko oko ahinga biani so tënë ti be ti lo ayeke na legeni.

Rome 4:21

Lo hinga biani na be ti lo so Nzapa ayeke na ngangu ti sara ye alingbi na zendo ti lo.

Kolose 2:2

Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.