Kolose 4:3 - Mbeti ti Nzapa - Tënë so amu fini

³ Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

Kolose 4:3 Iomraidhean Croise

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

1 Korente 16:9

ngbanga ti so Nzapa azi na mbi nzoni lege ti sara kota kua kâ, me awato ayeke mingi.

1 Korente 4:1

Ayeke nzoni ala baa e tongana azo ti kua ti Christ, awabatango taa-tënë ti Nzapa so angba na hondengo ni.

2 Korente 2:12

Mbi si na gbata ti Troas ti fa Nzoni Tënë ti Christ, me ataa so *Kota Gbia azi lege kota na mbi titene mbi sara kua,

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

Efeze 3:3

Ye so angba na hondengo ni, lo sara si mbi hinga ni; mbi su nduru tënë na ndö ni na li ni kâ kete awe.

Efeze 3:4

Tongana ala diko mbeti so, fade ala lingbi ti hinga biani atene, mbi hinga nda ti tënë ti Christ so angba na hondengo ni.

Efeze 3:9

Lo mu nga na mbi lege ti fa polele na azo kue lege so Nzapa ayeke sara titene aye so lo leke na hondengo ni ayeke si ande. Aye ni so, Nzapa so asara ye kue, lo honde tënë ni na be ti lo na ngoi kue.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Filipe 1:19

Biani, mbi hinga: fade ye so kue ayeke sara titene mbi soo kuâ ndali ti sambela ti ala nga ndali ti maboko so Yingo ti Jésus Christ ayeke mu na mbi.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Kolose 1:26

Nzapa ahonde tënë ni ngu na ngu na azo kue si lo zi le ni fadeso na azo ti lo.

Kolose 4:18

Mbi Paul, mbi wani laa, mbi su atënë so: mbi bara ala. Ala dabe ti ala so mbi yeke na da ti kanga! Ayeke nzoni Nzapa asara nzoni be na ala!

1 Tesalonike 5:25

A-ita, ala sambela Nzapa nga ndali ti e.

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Philémon 1:22

Mo leke nga mbeni ndo ti lango ndali ti mbi, ngbanga ti so mbi zia be ti mbi ti ku so fade Nzapa ayeke ma sambela ti ala si lo yeke zi lege titene mbi kiri na popo ti ala.