Kolose 3:16 - Mbeti ti Nzapa - Tënë so amu fini

¹⁶ Ayeke nzoni tënë ti Christ so anzoni ye asi singo daa aduti na ya ti fini ti ala. Ala fa ye si ala mu wango na amba ti ala na popo ti ala na lege ti ndara kue. Ala he abia na Nzapa na be ti ala kue ti mu singila na lo, ala he abia ti Mbeti ti Nzapa, abia ti vorongo Nzapa na abia so Yingo ayeke mu na ala.

Kolose 3:16 Iomraidhean Croise

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Mbai 25:7

Ala so a fa kode ti hengo bia ti sepela KOTA GBIA na ala si ala hinga ni nzoni, ala na a-ita ti ala, wungo ti ala kue ayeke 288.

Néhémie 12:46

Biani ando giriri, na ngoi ti David na ti zo ti hengo bia Asaf, amakonzi ti azo ti hengo bia aduti na li ti azo so ayeke he bia ti sepelango Nzapa na ti mungo singila na lo.

Mbeti ti Job 23:12

Mbi zia atënë ti yanga ti lo pepe ti sara mbeni ye nde; ambela ti lo kue, mbi bata ni na be ti mbi.

Abia (Psaumes) 119:11

Mbi bata atënë ti yanga ti mo na be ti mbi, tongaso si mbi sara siokpari pepe ti ke mo.

Abia (Psaumes) 119:54

Ambela ti mo aga tongana abia ti mbi, na ngoi so kue mbi yeke tongana gene na ndö ti sese so.

Abia (Psaumes) 138:1

Bia ti David. Mbi ye ti mu singila na mo na be ti mbi kue; mbi yeke he bia ti sepela mo na dawa ti anzapa

Abia (Psaumes) 28:7

KOTA GBIA ayeke tongana gbagba ti bira na tere ti mbi; lo yeke tongana *vala ti mbi. Mbi zia be ti mbi kue na ndö ti lo si lo mu maboko na mbi. Be ti mbi kue asi singo na ngia si mbi yeke he bia ti gonda na lo.

Abia (Psaumes) 32:7

Mo yeke ndo so mbi yeke honde tere ti mbi daa, mo yeke bata mbi na ya ti ye ti ngangu. Ndali ti so mo zi mbi, mo sara si azo ahe bia angoro na mbi. Luti kete

Abia (Psaumes) 71:23

Fade mbi yeke pika mozoko na mo, mbi yeke dekongo na ngia ndali ti so mo soo fini ti mbi awe.

Amato 14:8

Zo ti hango le ayeke sara hange na lege ti dutingo ti lo: so zo ti ndara laa. Me zo ti buba ayeke handa azo: so zo ti buba laa.

Amato 18:1

Zo so aye ti duti gi lo oko, lo yeke gi gi nzoni ti lo wani. Tongana a ye ti mu na lo wango, lo yeke sara ngonzo.

B. ti abia 1:1

Bia so apendere ahon abia kue. Bia ti Salomon.

Ésaïe 10:2

Ala yeke kanga lege titene a fâ ngbanga ti asenge zo na legeni, ala yeke gbanzi azo ti mbi so ayeke awayere na ye so ayeke ti ala. Ala yeke te awali-mua, ala yeke nzi aye ti anyindu.

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Ésaïe 5:1

Mbi ye ti he bia ndali ti mba ti mbi; bia ni atene tënë ti mba ti mbi so mbi ye lo mingi nga na yaka ti *vinye ti lo. Mba ti mbi so mbi ye lo mingi so, yaka ti vinye ti lo ayeke daa. Yaka ni ayeke na ndö ti mbeni hoto; sese ni awoko pendere.

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Matthieu 26:30

Na peko ti so ala he bia ti gondango Nzapa awe, ala mu lege ti gue na hoto ti a-olive.

Nzoni Tënë so Luc asu na mbeti 2:51

Na pekoni, Jésus na ala akiri na Nazaret. Lo yeke ma yanga ti ala. Mama ti lo angba ti dabe ti lo na aye so.

Jean 15:7

Tongana ala duti oko na mbi si atënë ti mbi aduti na be ti ala, ala hunda ye so be ti ala aye, fade ala yeke wara ni.

Rome 10:17

Tongaso, mabe aga na lege ti mango tënë, mango tënë aga na lege ti fango tënë ti Christ.

Rome 15:14

A-ita ti mbi, mbi wani, mbi hinga biani na be ti mbi so nzara ti sarango nzoni ye asi singo na be ti ala; mbi hinga so, ala hinga ndo nzoni mingi si ala lingbi nga ti mu wango na popo ti tere.

1 Korente 14:15

Fade mbi yeke sara nyen? Mbi yeke sambela na lege ti yingo, me mbi yeke sambela nga na lege so azo alingbi ti ma ya ni; mbi yeke he bia na lege ti yingo, me mbi yeke he nga bia na lege so azo alingbi ti ma ya ni.

1 Korente 14:26

Tongaso a-ita, fade e yeke sara tongana nyen? Tongana ala bongbi, mbeni zo na popo ti ala alingbi ti he mbeni bia, mbeni afa ye wala lo tene tënë ti mbeni ye so Nzapa afa na lo, mbeni atene tënë na ambeni yanga nde, mbeni akiri peko ti tënë ni na yanga ti kodro titene azo ama ya ni. Aye so kue ala yeke sara, alingbi ala sara ni titene azo ti *Eglize akpengba.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Efeze 5:17

Ndani laa, ala duti tongana abuba zo pepe, me ala gi lege ti hinga ye so Kota Gbia aye.

Efeze 5:19

Tongana ala bongbi, ala he abia ti Mbeti ti Nzapa, abia ti gondango Nzapa na abia so Yingo ayeke mu na ala. Ala he abia si ala sepela Kota Gbia na be ti ala kue.

Efeze 5:26

Lo sara tongaso titene Eglize ni aga nde si aga nzoni kue. Titene Eglize ni avuru tarara, lo sukula ni na ngu nga na lege ti tënë ti lo,

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

Kolose 4:6

Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.

1 Tesalonike 4:18

Tongaso, ala mu ngangu na be ti ala na popo ti ala na lege ti atënë so.

2 Tesalonike 3:15

Ye oko, ala baa lo tongana wato ti ala pepe, me ala mu wango na lo tongana ti so ala yeke sara fade na mbeni ita, zo ti Christ.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

2 Timothée 3:15

Ti londo na ndembe so mo de kete molenge ngbii asi fadeso, mo hinga Mbeti ti Nzapa; mbeti ni alingbi ti mu na mo ndara. Ndara ni ayeke fa na mo lege titene mo soo kuâ na lege so mo ma na be na Jésus Christ.

Tite 3:6

Nzapa asara si Yingo-Vuru aga mingi na ndö ti e na lege ti Jésus Christ, Wasongo e.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.

Jacques 5:13

Mbeni zo na popo ti ala ayeke baa pasi? Alingbi lo sambela Nzapa. Mbeni zo ayeke na ngia? Alingbi lo he bia ti gonda Nzapa.

1 Jean 2:14

Amolenge, mbi su mbeti so na ala, mbi tene: “Ala hinga Babâ awe.” Ababâ, mbi su mbeti so na ala, mbi tene: “Ala hinga awe lo so ayeke ngbene ye na tongo nda ni.” Amaseka, mbi su mbeti so na ala, mbi tene: “Ala yeke ngangu, tënë ti Nzapa aduti na be ti ala si ala hon ndö ti Sioni wato awe.”

1 Jean 2:24

Ndani laa, a-ita, ayeke nzoni ala bata na be ti ala tënë so ala ma ngbene ye na tongo nda ni. Tongana ala bata na be ti ala tënë so ala ma ngbene ye na tongo nda ni, fade ala yeke ngba ti duti oko na Molenge ni nga na Babâ ni.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.

2 Jean 1:2

ngbanga ti so taa-tënë ayeke na be ti e si taa-tënë ni ayeke ngba ande na popo ti e kpu na kpu.

Aye so Nzapa afa 14:3

Azo so aluti na dawa ti mbata ti gbia, nga na dawa ti aye osio so ayeke na fini nga na *akangba so, ala yeke he fini bia. Mbeni zo nde alingbi ti manda bia ni so pepe, gi azo ti sese saki ngbangbo oko na baleosio na osio so Nzapa asoo ala awe.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.