Kolose 2:2 - Mbeti ti Nzapa - Tënë so amu fini

² Mbi ye titene be ti ala awara ngangu, ala ga oko na lege ti yengo tere si ala wara lege ti mango ya ti tënë nzoni kue. Tongaso, fade ala yeke hinga nda ti tënë ti Nzapa so angba fade na hondengo ni: tënë ni ayeke Christ.

Kolose 2:2 Iomraidhean Croise

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

Abia (Psaumes) 133:1

A yeke he bia so na ndembe ti guengo ni na Jérusalem. Bia ti David. Baa, so ayeke nzoni ye mingi si anzere mingi titene a-ita aduti na ndo oko, na beoko.

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.

Ésaïe 40:1

Nzapa ti ala atene: Ala de be ti azo ti mbi, ala de be ti azo ni.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Nzoni Tënë so Luc asu na mbeti 1:1

Azo mingi agi lege ti su na mbeti tënë ti aye so asi na popo ti e;

Jean 10:30

Mbi na Babâ, e yeke oko.”

Jean 10:38

Me tongana mbi yeke sara ni, ataa ala yeda na tënë ti mbi pepe, ayeke nzoni ala yeda na aye so mbi yeke sara si ala hinga so mbi na Babâ, e ga oko.”

Jean 16:15

Ye so kue Babâ ayeke na ni, ayeke ti mbi. Ndani laa mbi tene: ‘Fade Yingo ayeke wara ye so ayeke ti mbi si lo yeke tene na ala.’ ”

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 5:17

Me Jésus akiri tënë na ala: “Babâ ti mbi ayeke sara kua lakue, mbi nga, mbi yeke sara kua.”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 6:69

E ma na be si e hinga so, mo yeke zo ti nzoni kue so Nzapa azia mo nde si lo tokua mo.”

Awatokua 4:32

Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 16:25

Ayeke nzoni e gonda Nzapa! Lo yeke na ngangu ti sara si ala kpengba na lege ti mabe so alingbi gi na Nzoni Tënë ti Jésus Christ so mbi yeke fa. Nzoni Tënë ni ayeke tënë so Nzapa ahonde ando ngu na ngu si lo fa ni na e fadeso.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

1 Korente 14:31

Ala kue alingbi ti tene peko ti tënë ti yanga ti Nzapa, me ayeke nzoni mbeni zo atene ti lo tënë ni ahunzi awe si mbeni atene ti lo. Tongaso si azo kue amanda ye si ala kpengba.

1 Korente 2:12

Ti e, Yingo so e wara ayeke yingo ti dunia so pepe, me ayeke Yingo so alondo na Nzapa titene e hinga anzoni ye so Nzapa ayeke mu na azo na lege ti nzoni be ti lo.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 3:16

Mbi hunda na lo titene lo mu ngangu na ala na lege ti Yingo ti lo alingbi na gonda ti lo so ayeke kota ahon ndoni, tongaso si be ti ala awara ngangu.

Efeze 3:3

Ye so angba na hondengo ni, lo sara si mbi hinga ni; mbi su nduru tënë na ndö ni na li ni kâ kete awe.

Efeze 6:22

Mbi tokua lo na ala gi titene lo tene tënë ti dutingo ti e na ala si lo mu nga ngangu na be ti ala.

Filipe 2:1

Gango so ala ga oko na Christ asara si ala kpengba. Ndoye ti lo asara si be ti ala awara ngangu, ala yeke na beoko na Yingo, ala ye tere si ala yeke sara nzoni be na azo.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Kolose 1:26

Nzapa ahonde tënë ni ngu na ngu na azo kue si lo zi le ni fadeso na azo ti lo.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

Kolose 2:19

Azo tongaso angba na tere ti Christ pepe so lo yeke tongana li ti zo. Ndali ti li laa tere kue ayeke wara ye so kue alingbi na lo; ndali ti lo laa ando so abio atengbi daa nga na akamba ti tere abongbi, aga oko si amai nzoni tongana ti so Nzapa aye.

Kolose 3:14

Ye so ahon tanga ti aye ni kue ayeke yengo tere so ayeke bongbi azo nzoni.

Kolose 4:3

Ala sambela nga mingi ndali ti e, tongaso si Nzapa azi na e lege ti fa tënë ti lo, ti fa tënë ti Christ so angba na hondengo ni. Biani, ndali ti tënë so laa mbi yeke na da ti kanga.

Kolose 4:8

Mbi tokua lo na ala gi titene lo tene tënë ti e na ala si lo mu ngangu na be ti ala.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.

1 Tesalonike 3:2

Nilaa e tokua ita ti e Timothée na ala; lo na Nzapa laa ayeke sara kua ti fa Nzoni Tënë ti Christ. E tokua lo na ala ti sara si ala kpengba, ti mu wango na ala si ala gbu ngangu na lege ti mabe ti ala.

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 6:11

Me e ye mingi titene ala oko oko kue angba na nzara ti sarango nzoni ye tongana ti kozoni; ala ngba daa ngbii asi na ndani, tongaso si fade ala yeke wara aye so ala zia be ti ala ti ku ni.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

2 Pierre 1:3

Na lege ti ngangu ti lo, Christ amu na e aye so kue alingbi na e titene e duti na fini si e ngba ti gbu tënë ti Nzapa ngangu. Christ afa na e ti hinga Nzapa so airi e ti wara mbage ti gonda ti lo na ti nzoni ye so lo sara.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

1 Jean 3:19

Lege so e yeke hinga, e tene, e yeke azo ti taa-tënë laa; lege so be ti e ade na gbe ti Nzapa laa.

1 Jean 5:7

Ala yeke ota so ayeke fa atene, ye ni ayeke taa-tënë: