Kolose 1:2 - Mbeti ti Nzapa - Tënë so amu fini

² si e tokua mbeti so na a-ita, azo ti Nzapa so ayeke na gbata ti Kolose, ala so ama na be na Christ si ala ga oko na lo. Ayeke nzoni Nzapa Babâ ti e asara nzoni be na ala si amu na ala siriri.

Kolose 1:2 Iomraidhean Croise

Abia (Psaumes) 16:3

Na ya ti kodro so, anzapa nde nde ayeke daa, mbi yeke ne ando ala mingi, me ti fadeso, mbi tene:

Awatokua 9:13

Ananias akiri tënë, atene: “Kota Gbia, azo mingi atene tënë ti koli so na mbi. Ala tene na mbi tënë ti aye ti sioni so kue lo sara na azo ti mo na Jérusalem.

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 4:17

Ndali ti tënë so, mbi tokua Timothée na ala, molenge ti mbi so mbi ye lo mingi, lo ngba lakue ti mu lege ti Kota Gbia. Fade lo yeke dabe ti ala na lege so mbi mu peko ti Christ na peko ti so mbi ga oko na lo; lo yeke dabe ti ala na aye so mbi yeke fa ni na ndo kue, na ya ti *a-Eglize kue.

Galasii 1:3

Ayeke nzoni Nzapa Babâ na *Kota Gbia Jésus Christ asara nzoni be na ala si amu na ala siriri.

Galasii 3:9

Tongaso, azo so kue ama na be, Nzapa ayeke sara tufa na ndö ti ala tongana ti so lo sara tufa na ndö ti Abraham so ama na be.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Efeze 6:21

Mbi ye si ala nga, ala hinga asango na ndö ti mbi nga na ndö ti aye so mbi yeke sara. Tishike, ita ti e so mbi ye lo mingi si lo yeke sara kua ti *Kota Gbia na legeni, fade lo yeke fa na ala atënë so kue.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

2 Pierre 1:2

Ayeke nzoni Nzapa asara nzoni be na ala, lo mu na ala siriri gbani gbani na lege so ala hinga Nzapa nga na Jésus, Kota Gbia ti e.

Jude 1:2

Ayeke nzoni Nzapa asara nzoni be na ala, lo mu na ala siriri nga na ndoye gbani gbani!

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!