Josué 8:3 - Mbeti ti Nzapa - Tënë so amu fini

³ Josué na aturugu ti lo kue aleke tere ti ala ti gue ti tiri bira na gbata ti Ai. Lo soro aturugu saki baleota, angangu zo ti bira si lo tokua ala na bi.

Josué 8:3 Iomraidhean Croise

Sigingo 17:9

Moïse atene na Josué: “Soro ambeni koli, mo gue, mo tiri bira na azo ti mara ti Amalek. Kekereke, mbi yeke luti na li ti hoto, keke ti Nzapa na maboko ti mbi.”

Matthieu 24:39

Ala hinga tënë ni oko pepe ngbii asi na ngoi so kota ngu apika, asuku si amu ala kue ahon na ala. Ye ni ayeke duti ande nga tongaso na lango ti gango ti Molenge ti Zo.

Matthieu 24:50

fade makonzi ti zo ti kua so ayeke si na lango so zo ti kua ni ayeke ku lo pepe wala na ngbonga so lo hinga pepe.

Matthieu 25:6

Na be ti bi, mbeni zo adekongo, atene: ‘Koli ni ayeke ga-oo! Ala sigigi ague na lege ti lo!’

1 Tesalonike 5:2

Ala wani, ala hinga tënë ni nzoni mingi: lango ti gango ti *Kota Gbia ayeke duti tongana gango ti zo ti nzi na bi.

Josué 10:7

Tongaso Josué alondo na Gilgal, lo na aturugu ti lo kue nga na angangu zo ti bira kue.

Josué 8:2

Fade mo yeke sara na gbata ti Ai na gbia ni gi mara ti ye so mo sara lani na gbata ti Jéricho nga na gbia ni. Me ala lingbi ti mu aye so ala yeke gbu na peko ti bira, anzoni ye nga na anyama ti gbata ni titene aga ti ala. Mo tokua ambeni turugu na hondengo ni na mbage ti peko ti gbata ni.”

Josué 8:4

Lo mu yanga na ala, lo tene: “Ala gue, ahonde tere ti ala na mbage ti peko ti gbata ni, ala gue yongoro mingi pepe; ala kue aduti nduru ti sara bira ni.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.

Awafango-ngbanga 9:32

Tongaso mbi hunda na mo ti londo gi na bi so, mo na azo ti mo, ala gue, ahonde tere ti ala na ya ti ngonda.