Josué 8:1 - Mbeti ti Nzapa - Tënë so amu fini

¹ *KOTA GBIA atene na Josué: “Sara mbeto pepe, be ti mo awoko pepe. Mu aturugu ti mo kue, mo gue, mo tiri bira na azo ti gbata ti Ai. Baa, mbi zia na maboko ti mo awe gbia ti Ai, azo ti gbata ti lo, gbata ti lo nga na kodro ti lo.

Josué 8:1 Iomraidhean Croise

Abia (Psaumes) 27:1

Bia ti David. *KOTA GBIA ayeke lumiere ti mbi, lo yeke wasongo mbi na kuâ. Zo wa laa mbeto ti lo alingbi ti sara mbi, zo wa? KOTA GBIA laa ayeke bata fini ti mbi, lo yeke tongana kota gbagba na tere ti mbi. Zo wa laa mbi yeke do na mbeto na dawa ti lo, zo wa?

Abia (Psaumes) 44:3

Na lege ti ngangu ti mo, mo tumba amara nde na ndö ti sese ti ala si mo zia akotara ti e na ndö ti sese ni. Mo sara ngangu na amara ni titene azo ti mo awara ndo.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Jérémie 46:27

“Ti mo Israel, zo ti kua ti mbi, sara mbeto pepe! Mo *hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni ye sioni ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 49:3

Ala, azo ti Heshebon, ala he bia ti totongo kuâ, ala tene: “A buba gbata ti Ai kue awe!” Ala, akete kodro so ayeke nduru na Raba, ala dekongo ngangu! Ala yu bongo ti mua, ala dema tere, ala tambula asi kâ, asi ge na ya ti gbagba: a gbu nzapa Milkom ti gue na lo na kodro wande, lo na awayango-sandaga ti lo na amakonzi ti lo.

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Ndia ti fani use ni 1:21

Ala baa: KOTA GBIA Nzapa ti ala amu na ala sese ni awe. Ala gue, amu ni tongana ti so KOTA GBIA, Nzapa ti akotara ti ala amu lani yanga daa na ala. Ala sara ye ti koli, ala sara mbeto pepe!”

Ndia ti fani use ni 31:8

KOTA GBIA wani laa ayeke mu li ti tambula ni na mo, lo wani lo yeke na mo. Lo yeke do mo ti zia mo pepe, lo yeke zia mo oko pepe. Tongaso, alingbi mo sara mbeto pepe, mo sara si be ti mo awoko pepe.”

Ndia ti fani use ni 7:18

Ala sara mbeto ti amara ni so pepe! Ala dabe ti ala na ye so *KOTA GBIA Nzapa ti ala asara na gbia Faraon nga na kodro ti lo kue:

Ndia ti fani use ni 7:21

Tongaso, alingbi ala do na mbeto na le ti azo ti amara ni so pepe, ngbanga ti so KOTA GBIA Nzapa ti ala ayeke na ala, lo yeke kota si lo yeke sara ye ti ziango mbeto na be ti zo.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 10:7

Tongaso Josué alondo na Gilgal, lo na aturugu ti lo kue nga na angangu zo ti bira kue.

Josué 10:8

*KOTA GBIA atene na Josué: “Sara mbeto pepe! Mbi zia ala na maboko ti mo awe; zo oko na popo ti ala ti gbu le ni na mo ayeke daa pepe.”

Josué 2:24

Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Josué 6:2

*KOTA GBIA atene na Josué: “Baa, mbi zia na maboko ti mo awe gbata ti Jéricho, gbia ni nga na angangu zo ti bira ni.

Josué 7:9

Fade azo ti Kanaan na azo ti kodro ni kue ayeke ma tënë ni; ala yeke bongbi ti ga na ndö ti e si ala yeke hunzi e kue. Nyen laa mo yeke sara ande ti fa atene, mo yeke kota?”