Josué 7:1 - Mbeti ti Nzapa - Tënë so amu fini

¹ Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.

Josué 7:1 Iomraidhean Croise

Tongo nda ti aye 34:27

Tanga ti amolenge ti Jacob atuku na ndö ti akuâ ni si ala anzi aye so kue ayeke na gbata ni, ngbanga ti so a sara ye ti kamene na ita ti ala ti wali.

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

2 Agbia 5:24

So ala si na mbeni ndo so iri ni Ofel awe, Gehazi amu abozo ni na maboko ti ala, lo zia na ya ti da ti lo si lo tene na azo ti kua ti Naaman ni ti kiri.

1 Mbai 21:7

Ye so David asara so anzere na Nzapa pepe si lo pika azo ti Israel.

2 Mbai 24:18

Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

Esdras 9:6

mbi sambela, mbi tene: “Nzapa ti mbi, kamene ahon ndö ti mbi tongana mbi yo le ti mbi na nduzu ti baa ndo na mbage ti mo. Siokpari ti e ayeke gbani gbani, ahon ndö ti li ti e; sioni ti e ague ngbii akpo le ti nduzu.

Mbeti ti Job 35:8

Ataa mo sara sioni-oo, ataa mo sara nzoni-oo, sioni ni na nzoni ni kue mo sara ni gi na amba ti mo zo.

Zo ti bongbingo azo 9:18

Ndara ayeke nzoni ahon aye ti bira; me zo ti siokpari oko alingbi ti buba anzoni ye mingi.

Daniel 9:7

KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Awayango-sandaga 10:6

Na pekoni, Moïse atene na Aaron na amolenge ti lo, Elazar na Itamar, atene: “Ala zi ya ti kua ti li ti ala kirikiri pepe, ala suru bongo na tere ti ala pepe ti fa atene, ala yeke na mua. Tongaso pepe, fade ala yeke kui si ala yeke iri ngonzo ti KOTA GBIA na ndö ti bongbi ti azo ti Israel kue. Ala zia a-ita ti ala, azo ti Israel kue atoto kuâ ti azo so KOTA GBIA asara si ala kui kuâ ti wâ so.

Jonas 1:7

Azo ti ya ti mangboko ni atene na popo ti ala: “Ala ga, e bi zeke ti hinga zo wa laa asara si pasi so asi na e so.” Ala bi zeke ni si afa Jonas.

Josué 22:16

“Tënë so bongbi ti azo ti KOTA GBIA kue atene ayeke so: ‘Ngbanga ti nyen si ala sara ye so ayeke sioni mingi ti ke Nzapa ti Israel so? Ngbanga ti nyen si ala zia lege ti KOTA GBIA si ala sara mbeni gbalaka nde ndali ti ala wani so? Ngbanga ti nyen si ala sara ngangu li laso na KOTA GBIA so?

Josué 22:18

Me ti ala, ala zia lege ti KOTA GBIA laso! Ala sara ngangu li na lo laso, kekereke lo yeke sara ngonzo na tere ti bongbi ti azo ti Israel kue!

Josué 22:20

Akan, mbeni *hale ti Zera asara ye so ayeke sioni mingi: lo mu ye so Nzapa ake na azo ti mu ni. Ndali ni, Nzapa asara ngonzo na tere ti bongbi ti azo ti Israel kue; ala hinga ni kue. Gi lo oko laa lo kui ndali ti sioni ti lo ni pepe.’ ”