Josué 6:3 - Mbeti ti Nzapa - Tënë so amu fini

³ Mo na aturugu ti mo kue, fade ala yeke tambula angoro gbata ni lege oko na ya ti lango oko. Fade ala sara tongaso na ya ti lango omene.

Josué 6:3 Iomraidhean Croise

2 Mbai 4:3

Na gbe ti yanga ti ngbongboro sembe ni, a leke limo ti abagara angoro tere ni kue. Molongo ti alimo ni ayeke use; na ya ti metere oko oko, abagara ayeke baleuse, baleuse. A kporo bengba wen si a leke na alimo ni legeoko na sembe ni.

Wungo ti azo 14:9

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

2 Korente 4:7

Ye so ayeke kota mosoro so alondo na Nzapa, me e so e yeke yo mosoro ni, e yeke tongana asenge ta ti sese. Tongaso si azo ahinga atene, kota ngangu so ahon angangu kue alondo na Nzapa, me na e pepe.

Josué 6:11

Tongaso awayango-sandaga atambula na sanduku ti mbuki angoro gbata ni. Ala ngoro ni fani oko, na pekoni ala kiri na ya ti bâbâ si ala lango kâ.

Josué 6:14

Ala tambula angoro gbata ni fani oko na use lango ni; na pekoni, ala kiri na ya ti bâbâ. Ala sara gi tongaso na ya ti lango omene.

Josué 6:2

*KOTA GBIA atene na Josué: “Baa, mbi zia na maboko ti mo awe gbata ti Jéricho, gbia ni nga na angangu zo ti bira ni.

Josué 6:4

Fade awayango-sandaga mbarambara amu adidi mbarambara ti akoli-taba si ala tambula na dawa ti sanduku ti *mbuki. Na lango mbarambara ni, fade ala tambula angoro gbata ni lege mbarambara si awayango-sandaga ahuru didi ti akoli-taba ni.

Josué 6:7

Na pekoni, lo mu yanga na azo ni, lo tene: “Ala londo, ala tambula, angoro gbata ni! Aturugu so ayeke mu li ni, ala hon ti ala kozo na dawa ti sanduku ti mbuki ti KOTA GBIA.”