Josué 4:3 - Mbeti ti Nzapa - Tënë so amu fini

³ Ala mu yanga na azo ni, atene: ‘Ala gue, amu têne baleoko na use taa na be ti ngu ti Jourdain, na ndo so awayango-sandaga aluti fade daa kpoo so, ala ga na ni. Ala ga na atêne ni, ala zia na ndo so ala yeke lango daa na bi so.’ ”

Josué 4:3 Iomraidhean Croise

Tongo nda ti aye 28:22

Têne so mbi leke ni aluti na nduzu so, fade ayeke ga da ti Nzapa. Aye so kue lo yeke mu ande na mbi, fade mbi yeke mu na lo *dime ni.”

Abia (Psaumes) 103:2

Biani, mbi ye ti mu singila na KOTA GBIA! Anzoni ye so lo sara na mbi, mbi ye ti girisa mbeni oko pepe.

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Nzoni Tënë so Luc asu na mbeti 19:40

Lo kiri tënë na ala, lo tene: “Mbi tene na ala: tongana ala kai, fade atêne ayeke dekongo!”

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”

Josué 3:13

Gi so awayango-sandaga ayeke zia gere ti ala na ya ti ngu ti Jourdain, ala so ayeke yo sanduku ti mbuki ti KOTA GBIA, lo so lo yeke Kota Gbia ti sese kue, fade ya ti ngu ni ayeke kangbi; ngu so alondo na mbage ti nduzu si ayeke ga so ayeke luti, mo baa mo tene, a kanga ni kangango.”

Josué 4:4

Tongaso Josué airi azo baleoko na use so lo soro ala na popo ti azo ti Israel, zo oko na ya ti mara oko.

Josué 4:8

Tongaso azo ti Israel asara ye so Josué amu yanga na ala ti sarango ni. Ala mu têne baleoko na use taa na be ti ngu ti Jourdain alingbi na wungo ti amara ti Israel tongana ti so KOTA GBIA atene tënë ni na Josué. Ala mu atêne ni ague, azia ni na ndo so ala lango daa na bi ni.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”