Josué 3:8 - Mbeti ti Nzapa - Tënë so amu fini

⁸ Ti mo, fade mo mu yanga na awayango-sandaga so ayeke yo sanduku ti mbuki, mo tene: ‘Tongana ala si na ya ti ngu ti Jourdain ni awe, ala luti.’ ”

Josué 3:8 Iomraidhean Croise

2 Agbia 2:6

Élie akiri atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi na ngu ti Jourdain.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala use kue amu lege ague.

2 Mbai 29:15

Ala bongbi a-ita ti ala, ala *sukula sioni ti ala. Na pekoni, gbia amu yanga na ala alingbi na tënë ti KOTA GBIA si ala ga na ya ti kota da ti KOTA GBIA ti zi *asioni ti da ni.

2 Mbai 29:27

Ezekias amu yanga titene a mu sandaga so a yeke gbi ni kue na wâ na ndö ti gbalaka. Na ndembe so a to nda ti mungo sandaga ni, gi na ndembe ni laa azo ato nda ti he bia ndali ti KOTA GBIA; ala yeke huru tatalita, ala yeke pika aye ti mozoko so David, gbia ti Israel aleke.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Néhémie 13:22

Mbi mu nga yanga na azo ti mara ti Lévi titene ala *sukula asioni na tere ti ala si ala gue ti bata ayanga ti gbagba ni, tongaso si azo abaa lango ti wungo tere tongana lango so a zia nde ndali ti Nzapa. “Nzapa ti mbi, mo dabe ti mo na mbi ndali ti aye so nga! Mo so mo yeke nzoni mingi, mo baa mawa ti mbi!”

Néhémie 13:28

Mbeni molenge oko ti Yoyada, tara ti kota wayango-sandaga Eliashib amu molenge ti Sanebalat, zo ti gbata ti Horon, ti ga wali ti lo. Ndani laa, mbi tumba lo ti londo na Jérusalem.

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Abia ti demango tere 3:26

Ayeke nzoni zo akai kpoo, lo ku titene KOTA GBIA azi lo na ya ti ye ti ngangu.

Josué 3:17

Awayango-sandaga so ayeke yo sanduku ti mbuki ti KOTA GBIA aluti na ndö ti kuru sese na be ti Jourdain. Na ndembe so ala ngba ti luti, azo ti Israel kue ayeke hon, ngu andu gere ti ala pepe, ngbii azo ni kue afâ ngu ti Jourdain ni.

Josué 3:3

si ala mu yanga na azo ni, atene: “Tongana ala baa awayango-sandaga so ayeke azo ti mara ti Lévi na yongo sanduku ti *mbuki ti *KOTA GBIA, Nzapa ti ala, ayeke nzoni ala londo na ndo so ala yeke daa so, ala mu peko ti sanduku ti mbuki ni.

Josué 3:7

KOTA GBIA atene na Josué: “Ti londo na lango ti laso, mbi yeke sara titene mo ga kota na le ti azo ti Israel kue; tongaso, fade ala yeke hinga atene, mbi yeke na mo tongana ti so mbi yeke ando na Moïse so.

Josué 3:9

Tongaso Josué atene na azo ti Israel, atene: “Ala pusu ge, ala ma tënë ti KOTA GBIA, Nzapa ti ala.”

Josué 4:11

So azo ni kue asi na mbage ti ngu ni awe, awayango-sandaga akiri amu li ti tambula ni, na sanduku ti mbuki ti KOTA GBIA.