Josué 3:3 - Mbeti ti Nzapa - Tënë so amu fini

³ si ala mu yanga na azo ni, atene: “Tongana ala baa awayango-sandaga so ayeke azo ti mara ti Lévi na yongo sanduku ti *mbuki ti *KOTA GBIA, Nzapa ti ala, ayeke nzoni ala londo na ndo so ala yeke daa so, ala mu peko ti sanduku ti mbuki ni.

Josué 3:3 Iomraidhean Croise

2 Samuel 6:13

So azo so ayo sanduku ti mbuki ti KOTA GBIA abi gere ti ala fani omene awe, David amu koli-bagara oko na mbeni kete bagara ti mafuta na *sandaga na Nzapa.

2 Samuel 6:3

Sanduku ni ayeke na ya ti da ti Abinadab, na li ti hoto. A zia ni na ndö ti mbeni fini pusu ti abagara ti gue na ni. Uza na Ahio, amolenge ti Abinadab laa ayeke baa ndo na ndö ti tambula ti pusu ni.

1 Agbia 8:3

So akangba ti Israel kue asi awe, awayango-sandaga ayo sanduku ti mbuki ni.

Jérémie 33:18

Na popo ti awayango-sandaga ti mara ti Lévi, mbeni zo ayeke duti daa lakue ti luti na le ti mbi ti ya asandaga so a yeke gbi ni kue na wâ, lo yeke gbi asandaga na wâ ndali ti mbi si lo yeke mu asandaga ti beoko lakue na mbi.”

Wungo ti azo 10:33

Azo ti Israel alondo na hoto ti KOTA GBIA ti hon si ala tambula na ya ti lango ota. Na ya ti lango ota so kue, sanduku ti *mbuki ti KOTA GBIA ayeke hon na dawa ti ala ti gi ndo so ala lingbi ti wu tere ti ala daa.

Wungo ti azo 4:15

Tongana Aaron na amolenge ti lo akanga akungba ti da ni kue nga na aye so kue a yeke sara na kua na ya ti da ni, gi na ndembe so ala yeke londo ti hon, ahale ti Kehat ayeke ga ti yo aye ni. Me ala yeke ndu mbeni ye ti ya ti kungba ni oko pepe, ngbanga ti ala kui. So kua ti ahale ti Kehat laa.

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Matthieu 8:19

Mbeni wafango-ndia aga nduru na tere ti lo si atene na lo: “*Kota Gbia, fade mbi yeke mu peko ti mo na ndo so kue mo yeke gue daa.”

Ndia ti fani use ni 31:25

Na pekoni, lo mu yanga na azo ti mara ti Lévi so kua ti ala ayeke ti yo sanduku ti mbuki ti KOTA GBIA, lo tene:

Ndia ti fani use ni 31:9

Moïse asu *Ndia ti Nzapa so na mbeti si lo mu ni na awayango-sandaga, *ahale ti Lévi so kua ti ala ayeke ti yo sanduku ti *mbuki ti *KOTA GBIA; lo mu ni nga na *akangba kue ti Israel.

Josué 3:4

Tongaso si fade ala hinga lege so ala gue daa, ngbanga ti so ala de ti hon na lege so laoko pepe. Me ayeke nzoni popo ti ala na sanduku ti mbuki ni ayo nduru na kilometere oko. Ala gue nduru na ni pepe.”

Josué 3:6

Lango oko na pekoni, Josué amu yanga na awayango-sandaga, atene: “Ala mu sanduku ti mbuki ni, ala hon kozo ti azo ni.” Awayango-sandaga ni asara tongana ti so lo hunda.

Josué 3:8

Ti mo, fade mo mu yanga na awayango-sandaga so ayeke yo sanduku ti mbuki, mo tene: ‘Tongana ala si na ya ti ngu ti Jourdain ni awe, ala luti.’ ”

Josué 4:10

Awayango-sandaga so ayeke yo sanduku ti mbuki ni aluti na nduzu taa na be ti Jourdain ngbii azo ni asara ye so kue KOTA GBIA amu yanga na Josué si lo tene peko ni na ala so. Lege so Josué asara ye alingbi na yanga so Moïse amu na lo so laa. Azo ni afâ ngu ni hio.

Josué 6:6

Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.

1 Samuel 6:15

Azo ti mara ti Lévi amu sanduku ti mbuki ti KOTA GBIA nga na kete sanduku so aye ti lôro ayeke na ya ni, ala zia na ndö ti kota têne ni. Na pekoni, gi na oko lango ni, azo ti Bet-Shemesh amu sandaga so a yeke gbi ni kue na wâ na KOTA GBIA nga na sandaga ti beoko.