Josué 24:2 - Mbeti ti Nzapa - Tënë so amu fini

² Tongaso Josué atene na azo ni kue, atene: “Tënë so *KOTA GBIA, Nzapa ti Israel atene ayeke so: ‘Akotara ti ala so ayeke azo ti sewa ti Tera, babâ ti Abraham na babâ ti Nahor ayeke ando na mbage ti ngu ti Efrate. Akotara ti ala ni ayeke voro ando ambeni nzapa nde.

Josué 24:2 Iomraidhean Croise

Tongo nda ti aye 11:22

Serug ayeke na ngu baleota si lo du Nahor.

Tongo nda ti aye 11:24

Nahor ayeke na ngu baleuse na gumbaya si lo du Tera.

Tongo nda ti aye 11:26

Tera ayeke na ngu balembarambara si lo du Abram, Nahor na Haran.

Tongo nda ti aye 11:27

Tënë ti sewa ti Tera ayeke tongaso: Tera adu Abram, Nahor na Haran. Haran adu Lot.

Tongo nda ti aye 31:19

Laban ague ti fâ kua ti tere ti anyama ti lo. Na ndembe ni so, Rachel ague, anzi anzapa ti da ti babâ ti lo.

Tongo nda ti aye 31:30

Fadeso, mo londo, mo hon awe, ngbanga ti so be ti mo ayeke do dongo lani ti kiri na da ti babâ ti mo. Me mo nzi anzapa ti da ti mbi ngbanga ti nyen?”

Tongo nda ti aye 31:32

Me ti anzapa ti mo, zo so mo yeke wara ni na maboko ti lo, lo lingbi na kuâ! Na dawa ti a-ita ti e, mo gi ye ti mo so ayeke na mbi si mo mu ni.” Jacob ahinga ti lo fade pepe atene, Rachel anzi anzapa ti Laban.

Tongo nda ti aye 31:53

Ayeke nzoni Nzapa ti Abraham na Nzapa ti Nahor afâ ngbanga na popo ti mbi na mo.” Tongaso Jacob adeba yanga ti lo na iri ti Nzapa ti Isaac, babâ ti lo, Nzapa so asara ye ti ziango mbeto na be ti azo.

Tongo nda ti aye 35:4

Tongaso azo ni amu na Jacob anzapa ti akodro wande so ala yeke na ni, nga na *akati so ayeke na mê ti ala. Jacob amu ni si lo lu ni na gbe ti kota keke so ayeke nduru na Sishem.

1 Mbai 1:27

Tera adu Abram, so a iri nga lo Abraham.

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ezekiel 16:3

Fade mo tene na lo, mo tene: Tënë so Kota Gbia NZAPA atene na Jérusalem ayeke so: Kanaan ayeke sese ti akotara ti mo, ndo so a du mo daa. Babâ ti mo ayeke zo ti mara ti Amori si mama ti mo ayeke zo ti mara ti Het.

Nzoni Tënë so Luc asu na mbeti 3:34

Juda ayeke molenge ti Jacob; Jacob ayeke molenge ti Isaac; Isaac ayeke molenge ti Abraham; Abraham ayeke molenge ti Tera; Tera ayeke molenge ti Nahor;

Ndia ti fani use ni 26:5

Zo so aga na akobe ni ayeke tene na le ti KOTA GBIA, atene: “Kotara ti mbi ayeke ando zo ti mara ti Aram so ayeke si ge, asi kâ. Lo gue na sese ti Ezipte, lo sara kodro kâ; azo so amu peko ti lo ayeke mingi pepe. Na pekoni, ala ga kota mara, ngangu mara nga na mara so awu mingi.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”