Josué 2:9 - Mbeti ti Nzapa - Tënë so amu fini

⁹ Lo tene na ala: “Mbi hinga, mbi tene, KOTA GBIA amu kodro ni na ala awe. Mbeto ti ala agbu e mingi si tere ti azo ti kodro ni kue ado na mbeto ndali ti gango ti ala.

Josué 2:9 Iomraidhean Croise

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

2 Samuel 17:10

Tongaso, ataa turugu so ayeke na ngangu mingi si be ti lo akpengba tongana ti bamara, tongana lo ma tënë so, be ti lo ayeke fun kue, ngbanga ti so azo ti Israel kue ahinga atene, babâ ti mo ayeke mbeni kpengba turugu si aturugu so amu peko ti lo ayeke angangu zo ti bira.

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

2 Agbia 7:6

Biani, Kota Gbia asara si azo ti Sirii ama na ya ti bâbâ ti ala kâ toto ti ambarata, ti apusu ti mbarata nga na toto ti gba ti aturugu. Tongaso azo ti Sirii atene na popo ti ala, atene: “Gbia ti Israel afuta agbia ti mara ti Het na agbia ti Ezipte titene ala tokua aturugu ti ala ti tiri bira na e!”

Néhémie 6:16

So awato ti e kue ama tënë ni, mbeto agbu amara so kue angoro e, kamene ahon ndö ti ala. Ala hinga atene, Nzapa ti e laa amu maboko na e si kua ti gbagba ni ahunzi so.

Esther 8:17

Na kodro-sese oko oko wala na ya ti gbata oko oko so ndia ni wala mbela ni asi daa, be ti azuife kue asi singo na ngia, ala yeke dodo na ngia si ala yeke sara amatanga gbani gbani. Azo mingi ti ambeni kodro so abaa aye ni tongaso, kota mbeto agbu ala sara tere ti ala tongana azuife.

Mbeti ti Job 19:25

Ti mbi, mbi hinga so zo ti zingo mbi ayeke na fini; na ndani, lo yeke luti na ndö ti sese.

Abia (Psaumes) 112:10

Zo ti sioni ayeke baa lo, be ti lo ayeke so, lo yeke te pembe ti lo si lo yeke ti. Ye so zo ti sioni asara nzara ni, fade ye ni ayeke buba kue.

Abia (Psaumes) 115:16

Yayu ayeke yayu ti KOTA GBIA, me ti sese, lo mu ni na azo.

Sigingo 18:11

Fadeso mbi hinga, mbi tene, KOTA GBIA ayeke kota ahon anzapa kue. Lo fa ni na ngoi so azo ti Ezipte ayeke sara sana na azo ti Israel.”

Sigingo 23:27

“Amara so ayeke ma tënë ti gango ti ala, mbi yeke sara titene kota mbeto agbu azo ni. Amara so kue ala yeke li na ya ti kodro ti ala, mbi yeke sara titene azo ni akpe kirikiri, mbi yeke sara titene awato ti ala kue akpe na dawa ti ala.

Zo ti bongbingo azo 8:12

Zo ti siokpari alingbi ti sara sioni fani ngbangbo oko, ataa so kue lango ti fini ti lo angba ti gue yongoro. Me mbi hinga, mbi tene: “Azo so akpe mbeto ti Nzapa, fade ala yeke duti nzoni.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 23:5

Na ndembe so Ezipte ayeke ma tënë ni ande, kota vundu ayeke gbu be ti ala, tongana ti so lani vundu agbu be ti ala na mango tënë ti tingo ti gbata ti Tir.

Jérémie 27:5

Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Nahum 2:10

Ala azo, ala nzi nginza na lôro ahon na ni! Amosoro asi singo na ya ti gbata ni, apendere ye ayeke daa gbani gbani.

Wungo ti azo 20:14

Moïse atokua azo na ndo ti gbia ti Edom atene: “Mo ma tënë so a-ita ti mo, azo ti Israel atene: Aye ti ngangu nde nde asi na e, mo hinga tënë ni kue awe.

Wungo ti azo 20:24

“Aaron aga nduru ti kui, ti gue na peko ti akotara ti lo. Fade lo yeke li pepe na ya ti kodro so mbi mu na azo ti Israel, ngbanga ti so ala ke ti ma yanga ti mbi na ngu ti Meriba.

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Ndia ti fani use ni 11:25

Zo oko ti gbu le ni na ala ayeke daa pepe. Na ndo so kue ala yeke si daa na ya ti sese ni, fade KOTA GBIA Nzapa ti ala ayeke zia kota mbeto ti ala na be ti azo ni, azo ni ayeke duti na mbeto ti ala, azo ti Israel, alingbi na zendo so lo mu lani na ala.

Ndia ti fani use ni 2:25

Gi laso laso, mbi yeke to nda ti sara si amara ti dunia kue aduti na kota mbeto ti ala, ala duti na mbeto ti ala. Tongana azo ni ama tënë ti ala, fade be ti ala ayeke fun kue si ala yeke do na mbeto.”

Ndia ti fani use ni 28:10

Fade amara ti sese kue ayeke baa so a di iri ti KOTA GBIA na ndö ti ala, tongaso amara ni ayeke duti na mbeto ti ala, azo ti Israel.

Ndia ti fani use ni 32:8

Na ngoi so Nzapa so ayeke na yayu kâ na ndö ti aye kue amu sese na amara titene aga ti ala, na ngoi so lo kangbi popo ti azo ti ndö ti sese, lo fa katikati ti sese ti amara na lege ti wungo ti azo ti Israel.

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Josué 2:11

So e ma tënë ti aye so, be ti e afun kue; mbeni zo oko ayeke na ngangu ti gbu le ni na ala pepe, ngbanga ti so KOTA GBIA, Nzapa ti ala ayeke Nzapa na yayu kâ si lo yeke Nzapa ge na ndö ti sese.

Josué 2:24

Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Josué 2:8

Ti Rahab, lo gue na li ti da na tere ti azo use so, andaa ala de ti lango pepe.

Josué 5:1

Agbia kue ti azo ti mara ti Amori so ayeke na mbage ti ngu ti Jourdain, na Do, na agbia kue ti azo ti Kanaan so ayeke na tere ti kota ngu-ingo ti Mediterane ama a tene, *KOTA GBIA asara si ngu ti Jourdain ahole na dawa ti azo ti Israel ngbii ala kue afâ ngu ni. So agbia ni ama tënë so, be ti ala afun kue, ala yeke na ngangu ti gbu le ni na azo ti Israel pepe.

Josué 6:2

*KOTA GBIA atene na Josué: “Baa, mbi zia na maboko ti mo awe gbata ti Jéricho, gbia ni nga na angangu zo ti bira ni.

Josué 9:10

na ye so lo sara na agbia use ti azo ti mara ti Amori so ayeke na mbage ti ngu ti Jourdain. Agbia ni ayeke Sihon, gbia ti Heshebon, na Og, gbia ti Bashan so ayeke lango na Ashetarot.

Josué 9:24

Azo ti Gabaon akiri tënë na Josué, atene: “E azo ti kua ti mo, e sara ye tongaso, ngbanga ti so e ma a tene, KOTA GBIA, Nzapa ti mo, amu yanga na Moïse, zo ti kua ti lo atene, fade ni yeke mu sese ni kue na ala, azo ti Israel si ala yeke fâ azo ti sese ni kue ti hunzi ala. Mbeto ti ala agbu e mingi si e baa e tene, e kui ti e awe.

Josué 9:9

Ala kiri tënë na lo, atene: “E azo ti kua ti mo, e londo na mbeni kodro yongoro mingi. E ga ndali ti so, e ma sango ti *KOTA GBIA, Nzapa ti mo. E ma nga tënë ti aye so kue lo sara na kodro ti Ezipte,

Awafango-ngbanga 7:14

Mba ti koli ni atene na lo: “Gbaa ye so mo baa so ayeke yongoro zeme ti Gédéon, molenge ti Yoash, zo ti Israel so laa. Nzapa azia azo ti Madian na bâbâ ti ala kue na maboko ti lo awe.”