Josué 2:6 - Mbeti ti Nzapa - Tënë so amu fini

⁶ Andaa lo mu fade azo ni, lo gue na ala na li ti da ti lo, na ndo so a leke si azo ayeke duti daa so; lo honde ala na popo ti akeke ti *len so lo leke ni kâ.

Josué 2:6 Iomraidhean Croise

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

2 Samuel 17:19

Wali ti da ni amu mbeni konza abi na ndö ti yanga ti du ti ngu ni si lo gbara ale ti kobe na ndö ni. Lo sara tongaso titene zo ahinga pepe atene, du ti ngu ayeke na ndo so.

1 Agbia 18:13

Kota zo ti mbi, ye so mbi sara na ndembe so Yezabel ato nda ti fâ awayanga-Nzapa so, azo ade ti fa peko ni na mo pepe? Mbi mu lani ambeni wayanga-Nzapa ngbangbo oko si mbi honde ala. Mbi mu ala baleoku, baleoku si mbi honde ala na ya ti akota du ti têne use. Lakue, mbi yeke mu na ala kobe na ngu.

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

2 Agbia 11:2

Me na ndembe so a yeke fâ amolenge ni, Yosheba, molenge ti gbia Yoram ti wali, ita ti Ahazia, amu Yoas na hondengo ni. Lo honde molenge ni na wali ti batango lo na ya ti mbeni kubu so a zia agbogbo daa, na ya ti kota da ti Nzapa, tongaso si Atalii awara lege ti fâ Yoas pepe.

Sigingo 2:2

Wali ni amu ngo si lo du molenge-koli. Lo baa so molenge ni ayeke pendere mingi si lo honde lo nze ota.

Jérémie 36:26

Lo mu yanga na Yerameel, molenge ti gbia, na Seraya, molenge ti Azriel nga na Shelemia, molenge ti Abdeel ti gbu wakuasu Baruk, lo na wayanga-Nzapa Jérémie; me Nzapa ahonde ala awe.

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.

Kolose 3:3

Biani, ala kui awe si fini ti ala ahonde legeoko na ti Christ kâ na tere ti Nzapa.

Ahebro 11:23

Na lege ti mabe, babâ na mama ti Moïse ahonde lo nze ota na peko ti so ala du lo. Ala baa so, lo yeke pendere mingi, ala ke mbela ti gbia; mbeto asara ala pepe.

Jacques 2:25

Tënë so ayeke nga tongana ti Rahab, wali-ndumba so. Lo ga ando mbirimbiri na le ti Nzapa na lege ti kua so lo sara: azuife so a tokua ala, ague, asi na ndo ti lo si lo yamba ala. Na pekoni, lo mu maboko na ala ti mu mbeni lege nde ti hon.

Josué 2:5

So ndo ayeke vuko si azo aga nduru ti kanga yanga ti gbagba ti gbata ni, ala sigigi ague awe. Mbi hinga ndo so ala gue daa pepe. Ala tumba peko ti ala hio; fade ala yeke wara ala na lege.”

Josué 2:7

Azo so gbia atokua ala atumba peko ti azo ti bembengo ndo ni. So ala hon gi tongaso, azo akanga yanga ti gbagba ti gbata ni. Awatokua ni amu lege so ague na ndo so azo ayeke fâ ngu ti Jourdain daa na gere so ti gi ala.

Josué 2:8

Ti Rahab, lo gue na li ti da na tere ti azo use so, andaa ala de ti lango pepe.

Josué 6:25

Josué azia Rahab, wali-ndumba ni angba na fini, lo na asewa ti lo na aye ti lo kue, ngbanga ti so lo honde azo so Josué atokua ala lani ti bembe ndo na gbata ti Jéricho so. Rahab alango ando na popo ti azo ti Israel si *ahale ti lo angba ti lango na popo ti ala ngbii asi laso.