Josué 2:2 - Mbeti ti Nzapa - Tënë so amu fini

² Mbeni zo atene na gbia ti Jéricho, atene: “Baa, ambeni zo ti Israel ali na ya ti gbata ge na bi so; ala ga ti bembe ndo na ya ti kodro ni.”

Josué 2:2 Iomraidhean Croise

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 43:13

Ngbene ye na lango ni so, mbi yeke Nzapa, zo oko alingbi ti gboto ye na maboko ti mbi pepe. Ye so mbi yeke sara, zo wa laa alingbi ti buba ni?

Josué 2:1

So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 2:3

Tongaso gbia ti Jéricho atokua ndo na Rahab, atene: “Azo so aga na ndo ti mo so, ala so ali na da ti mo so, sigigi na ala, ngbanga ti so ala ga ti bembe ndo na ya ti kodro ni kue.”

Awafango-ngbanga 18:2

Azo ti mara ti Dan asoro na popo ti ala angangu koli oku so mbeto oko ayeke na ala pepe. Akoli ni alondo na gbata ti Sora. Azo ti mara ti Dan amu yanga na ala, atene: “Ala tambula, *abembe ndo na ya ti kodro ni.” Ala gue ngbii ala si na da ti Mika so ayeke na sese ti Efraim, ndo so ahoto ayeke daa si ala lango na ndo ni so.