Josué 2:18 - Mbeti ti Nzapa - Tënë so amu fini

¹⁸ Baa ye so mo lingbi ti sara ayeke so: tongana e li ande na ya ti kodro ni, fade mo kanga bengba kamba so na fenetere so mo yoro e daa si mo zu e na gbeni so. Na pekoni, mo bongbi na ya ti da ti mo, babâ ti mo, mama ti mo, a-ita ti mo, na asewa ti mo kue.

Josué 2:18 Iomraidhean Croise

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Tongo nda ti aye 7:1

KOTA GBIA atene na Noe: “Mo na azo ti da ti mo kue, ala li na ya ti mangboko ni, ngbanga ti so, mbi baa so gi mo oko laa mo yeke zo ti mbirimbiri na popo ti azo ti ngoi ti mo.

Esther 8:6

Fade mbi kanga be ti mbi tongana nyen ti duti ti baa sioni ye so ayeke ga ti ti na ndö ti azo ti mbi so? Fade mbi kanga be ti mbi tongana nyen ti duti ti baa azo ti mara ti mbi so a yeke fâ ala kue so?”

Sigingo 12:13

Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

B. ti abia 4:3

Poro ti yanga ti mo ayeke tongana kamba ti bengba bongo si yanga ti mo apendere. Na gbe ti mapia-bongo so mo bi na li ti mo, ngbangba ti mo ayeke tongana ndambo ti grenade.

Awayango-sandaga 14:4

wayango-sandaga ayeke mu yanga titene a ga na andeke use so angba na fini ndali ti zo ni, andeke so tere ti ala ayeke *nzoni; a yeke ga nga na keke ti sedre, bengba bongo so ayeke za zango nga na kete keke ti izope.

Wungo ti azo 19:6

Lo yeke mu maboko ti keke ti sedre, ti *izope nga na mbeni yanga ti bongo so a sara ni na kua ti tere ti taba so abe si aza zango. Lo yeke bi aye so kue na le ti wâ so ayeke gbi bagara ni.

Wungo ti azo 4:8

Ala yeke bi na ndö ti aye ni kue mbeni bengba bongo so ayeke za zango si ala yeke kanga ndö ni na mbeni pendere poro ti nyama. Na pekoni, ala yeke yoro ayongoro keke na tere ti meza ni ti yo na ni.

Nzoni Tënë so Luc asu na mbeti 19:9

Jésus atene na lo: “Laso, Nzapa asoo azo ti da so awe, ngbanga ti so Zachée nga ayeke *hale ti Abraham.

Awatokua 10:27

Lo na Corneille ayeke tene lisoro si ala li na ya ti da. Pierre abaa azo mingi so abongbi kâ.

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 11:14

Fade lo yeke tene mbeni tënë na mo si na lege ti tënë ni so, mo na azo ti sewa ti mo kue ayeke soo kuâ.’

2 Timothée 1:16

Ayeke nzoni *Kota Gbia asara nzoni be ti lo na azo ti sewa ti Onezifore, ngbanga ti so fani mingi, lo mu ngangu na be ti mbi. Kamene ti so mbi yeke na da ti kanga asara lo pepe;

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.

Josué 2:21

Rahab akiri tënë: “Nzoni!” Na pekoni, lo zia lege na ala si ala gue. So ala gue awe, lo kanga bengba kamba ni na fenetere ti da ti lo.

Josué 6:23

Amaseka-koli so ague lani abembe ndo so ali si ala sigigi na Rahab, babâ ti lo, mama ti lo, a-ita ti lo nga na aye ti lo kue. Ala sigigi na azo ti kete mara ti lo kue si a bata ala na mbeni ndo nde, na peko ti bâbâ ti azo ti Israel.

Josué 6:25

Josué azia Rahab, wali-ndumba ni angba na fini, lo na asewa ti lo na aye ti lo kue, ngbanga ti so lo honde azo so Josué atokua ala lani ti bembe ndo na gbata ti Jéricho so. Rahab alango ando na popo ti azo ti Israel si *ahale ti lo angba ti lango na popo ti ala ngbii asi laso.