Josué 2:12 - Mbeti ti Nzapa - Tënë so amu fini

¹² Fadeso, ala deba yanga ti ala na mbi na iri ti KOTA GBIA ti sara nzoni na mbi na asewa ti mbi, tongana ti so mbi sara nzoni na ala so. Ala sara mbeni ye ti fa na mbi biani

Josué 2:12 Iomraidhean Croise

Tongo nda ti aye 21:23

Laso, na ndo so e yeke daa so, ayeke nzoni mo deba yanga ti mo na iri ti Nzapa, mo tene, mo yeke handa mbi pepe, wala amolenge ti mbi pepe, wala *ahale ti mbi pepe. Tongana ti so mbi sara nzoni na mo, mo nga, fade mo yeke sara nzoni na mbi, na azo ti kodro so mo duti daa so.”

Tongo nda ti aye 24:3

Mbi ye titene mo deba yanga ti mo na iri ti KOTA GBIA, Nzapa ti yayu na ti sese. Tene na mbi, mo tene, mo yeke mu ande mbeni wali na popo ti amolenge-wali ti azo ti Kanaan so mbi yeke duti na popo ti ala so, ti mu na molenge ti mbi pepe.

Tongo nda ti aye 24:9

Zo ti kua ni azia maboko ti lo na gbe ti ngbonda ti wa ti lo Abraham si lo deba yanga ti lo ti sara ye so.

Tongo nda ti aye 40:14

Me tongana mo baa nzoni kâ, mo dabe ti mo na mbi. Mbi gbu gere ti mo, sara nzoni be na mbi. Mo tene tënë ti mbi na mê ti Faraon si mo zi mbi na da ti kanga so.

2 Mbai 36:13

Lo tomboka na tere ti gbia Nabukodonosor so asara si Sedesias adeba yanga ti lo na iri ti Nzapa. Lo sara ngangu li, lo kpengba be ti lo, lo ke ti kiri na mbage ti KOTA GBIA, Nzapa ti Israel.

Esther 8:6

Fade mbi kanga be ti mbi tongana nyen ti duti ti baa sioni ye so ayeke ga ti ti na ndö ti azo ti mbi so? Fade mbi kanga be ti mbi tongana nyen ti duti ti baa azo ti mara ti mbi so a yeke fâ ala kue so?”

Sigingo 12:13

Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Marc 14:44

Judas, zo ti kango Jésus afa na azo ni ye so fade lo yeke sara; lo tene: “Zo so mbi yeke su ande ngbangba ti lo, andaa lo laa. Ala gbu lo, ala bata lo nzoni si ala gue na lo.”

Rome 1:31

li ti ala ayeke daa pepe, ala yeke azo so asara ye alingbi na zendo ti ala pepe, ala yeke na be ti zo pepe, ala yeke baa mawa ti amba ti ala pepe.

1 Timothée 5:8

Tongana mbeni zo abata azo ti lo na legeni pepe si lo hinga ti bata taa azo ti sewa ti lo na legeni pepe, lo zia lege ti mabe awe. Sioni ti lo ahon sioni ti azo so ake ti ma na be.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Josué 2:13

so fade ala yeke zia babâ ti mbi, mama ti mbi, a-ita ti mbi ti koli na ti wali nga na aye ti ala kue ti ngba na fini. Ala fa na e so fade ala yeke zi e na ya ti kuâ.”

Josué 2:18

Baa ye so mo lingbi ti sara ayeke so: tongana e li ande na ya ti kodro ni, fade mo kanga bengba kamba so na fenetere so mo yoro e daa si mo zu e na gbeni so. Na pekoni, mo bongbi na ya ti da ti mo, babâ ti mo, mama ti mo, a-ita ti mo, na asewa ti mo kue.

Josué 2:19

Tongana mbeni zo alondo na ya ti da ti mo asigigi, fade tënë ti kuâ ti lo ayeke na li ti lo wani; tënë ni ayeke na li ti e pepe. Me tongana maboko ti mbeni zo ti e andu mbeni zo so mo na lo ayeke na ya ti da ti mo, tënë ti kuâ ti zo ni so ayeke na li ti e.

Josué 6:22

Josué atene na azo use so ague lani *abembe ndo na ya ti gbata ni, atene: “Ala li na ya ti da ti Rahab, wali-ndumba so, ala sigigi na lo nga na asewa ti lo kue tongana ti so ala deba yanga ti ala lani na lo so.”

Josué 9:15

Josué na azo ni aleke tënë ti siriri si ala ga ambuki; lo zia ala si ala ngba na fini. Akota zo ti bongbi ti azo ni adeba yanga ti ala ti bata tënë ti mbuki ni.

Awafango-ngbanga 1:24

Azo ti bembengo ndo ni abaa mbeni koli so alondo na gbata ni ti sigigi. Ala tene na lo: “Fa na e lege so e lingbi ti hon daa si e li na ya ti gbata ni. Fade e yeke sara nzoni be na mo.”

1 Samuel 30:15

David atene na lo: “Mo lingbi ti fa na mbi lege so azo ni ahon daa pepe?” Lo kiri tënë: “Ayeke nzoni mo deba yanga ti mo na iri ti Nzapa so fade mo yeke fâ mbi pepe, mo yeke kiri ti zia mbi na maboko ti wa ti mbi pepe si mbi gue na mo na ndo so bongbi ti azo so ayeke daa.”