Josué 2:1 - Mbeti ti Nzapa - Tënë so amu fini

¹ So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 2:1 Iomraidhean Croise

Tongo nda ti aye 42:16

Ala tokua mbeni ita ti ala oko titene lo gue, lo ga na tanga ti ita ti ala ni. Ala, atanga ni kue, ala yeke ngba na da ti kanga ngbii e hinga wala atënë ti ala so kue ayeke taa-tënë, wala ayeke mvene. Mbi tene na ala na iri ti Faraon so ayeke na fini! Tongana ye ni ayeke tongaso pepe, andaa ala yeke azo ti bembengo ndo biani.”

Tongo nda ti aye 42:9

Be ti Joseph ati na ndö ti abango-li so lo baa ando na ndö ti ala so si lo tene na ala: “Ala yeke azo ti *bembengo ndo; ala ga ti gi ti hinga ndo so aturugu ayeke daa pepe, na ya ti kodro ni.”

Mishe 6:5

Ala azo ti mbi, ala dabe ti ala na ye so Balak, gbia ti Moab, aleke ando na be ti lo ti sarango ni, nga na tënë so Balaam, molenge ti Beor, akiri na ni na Balak so. Ala dabe ti ala nga na londongo so azo ti Israel alondo na Shitim ngbii ala si na Gilgal so. Tongaso, fade ala yeke hinga lege so KOTA GBIA ayeke sara nzoni na azo ti lo.”

Wungo ti azo 13:1

*KOTA GBIA atene na Moïse:

Wungo ti azo 13:2

“Tokua ambeni koli titene ala gue *abembe ndo na ya ti kodro ti Kanaan, kodro so mbi yeke mu na azo ti Israel. Ala yeke tokua zo oko na ya ti mara oko oko, zo ni ayeke makonzi ti mara ti lo.”

Wungo ti azo 25:1

Azo ti Israel aduti na Shitim. Na ndo so, ala to nda ti gingo awali ti mara ti Moab kirikiri.

Wungo ti azo 33:49

Ala sara bâbâ ti ala na lando ti Moab, na yanga ti ngu ti Jourdain, na popo ti Bet-Yeshimot na Abel-Shitim.

Matthieu 1:5

Salman adu Booz – mama ti Booz ayeke Rahab; Booz adu Obed – mama ti Obed ayeke Ruth;

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Efeze 5:5

Alingbi ala hinga nzoni atene, azo ti sarango ye ti ndumba, azo ti sarango ye ti kamene nga na azo so kota nzara ti warango ye ayeke na be ti ala, *Kodro-gbia ti Christ na ti Nzapa ayeke ga ti ala pepe. – Andaa sarango kota nzara ti warango ye ayeke mbeni lege ti vorongo anzapa nde. –

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Jacques 2:25

Tënë so ayeke nga tongana ti Rahab, wali-ndumba so. Lo ga ando mbirimbiri na le ti Nzapa na lege ti kua so lo sara: azuife so a tokua ala, ague, asi na ndo ti lo si lo yamba ala. Na pekoni, lo mu maboko na ala ti mu mbeni lege nde ti hon.

Josué 1:18

Zo so kue ayeke londo ti ke yanga ti mo si lo ma atënë ti mo pepe, fade a yeke fâ lo. Ti mo, gbu ngangu, mo sara ye ti koli!”

Josué 2:2

Mbeni zo atene na gbia ti Jéricho, atene: “Baa, ambeni zo ti Israel ali na ya ti gbata ge na bi so; ala ga ti bembe ndo na ya ti kodro ni.”

Josué 21:31

Helkat na Rehob.

Josué 3:1

Na ndaperere so ndo angba kâ, Josué na azo ti Israel kue alondo na Shitim, ala gue na yanga ti ngu ti Jourdain. Ala lango na ndo so kozoni si ala fâ ngu ni.

Josué 5:10

Azo ti Israel asara bâbâ na Gilgal. Na lango baleoko na osio ti nze ni, na lakui, ala sara *matanga ti Pake na lando ti Jéricho.

Awafango-ngbanga 1:23

Ala tokua azo ti gue ti *bembe ndo na ya ti gbata ni kue; ando iri ti gbata ni ayeke Luz.

Awafango-ngbanga 18:14

Akoli oku so ague lani abembe ndo na ya ti gbata ti Laish so, ala mu tënë si ala tene na a-ita ti ala: “Ala hinga atene, na ya ti mbeni da so, yanda na aye nde nde ti sambelango nzapa nga na yanda so a kporo wen ti nginza si a sara na ni ayeke daa? Fadeso ala baa ye so ala lingbi ti sara.”

Awafango-ngbanga 18:17

Akoli oku so ague lani ti bembe ndo na ya ti kodro ni, so ala li na ya ti da ni awe, ala mu ayanda ni, aye nde nde ti sambelango nzapa na yanda so a kporo wen ti nginza si a sara na ni. Wayango-sandaga ni aluti ti lo na yanga ti da ni, lo na azo ngbangbo omene so ayeke na aye ti bira na maboko ti ala.

Awafango-ngbanga 18:2

Azo ti mara ti Dan asoro na popo ti ala angangu koli oku so mbeto oko ayeke na ala pepe. Akoli ni alondo na gbata ti Sora. Azo ti mara ti Dan amu yanga na ala, atene: “Ala tambula, *abembe ndo na ya ti kodro ni.” Ala gue ngbii ala si na da ti Mika so ayeke na sese ti Efraim, ndo so ahoto ayeke daa si ala lango na ndo ni so.