Josué 18:3 - Mbeti ti Nzapa - Tënë so amu fini

³ Josué atene na ala, atene: “Ala yeke ku ngbii asi lawa si ala yeke gue ti mu sese so *KOTA GBIA, Nzapa ti akotara ti ala, amu na ala so?

Josué 18:3 Iomraidhean Croise

Amato 10:4

Zo so maboko ti lo ane na kua, lo yeke ga wayere; me zo so maboko ti lo ayapu na kua, lo yeke ga zo ti mosoro.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 15:19

Lege ti zo ti sopo asi singo na akeke ti ki; me lege ti azo ti mbirimbiri, a de ni nzoni.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Sofonii 3:16

Na lango ni so, fade a yeke tene na gbata ti Jérusalem: “Sion, sara mbeto pepe, be ti mo awoko pepe!

Matthieu 20:6

So lo sigigi na ngbonga oku ti peko ti bekombite, lo baa ambeni zo so aluti senge senge. Lo hunda ala, lo tene: ‘Ngbanga ti nyen si, ti londo na ndaperere ngbii asi na lakui, ala duti senge senge na ndo so si ala yeke sara kua pepe so?’

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Josué 1:6

Gbu ngangu, mo sara ye ti koli, ngbanga ti so mo laa mo yeke sara ande titene kodro so mbi deba yanga ti mbi ti mu na akotara ti ala, aga ye ti ala.

Josué 13:1

Josué aga mbakoro awe, ngu ti lo ahon mingi awe si *KOTA GBIA atene na lo: “Mo ga mbakoro awe, ngu ti mo ahon mingi awe. Me tanga ti asese so alingbi titene ala mu ni so angba mingi.

Josué 18:2

Me na popo ti azo ti Israel, amara mbarambara ade ti wara ti ala ambage ti sese ni pepe titene aga ti ala.

Josué 18:4

Ala soro azo ota na ya ti mara oko oko; fade mbi yeke tokua azo ni titene ala gue, abaa sese so ayeke ga ti amara ti ala. Na pekoni, ala yeke kiri ti fa na mbi gi aye so ala baa kâ si ala su na mbeti so.

Awafango-ngbanga 18:9

Ala kiri tënë atene: “E londo, e gue, e sara bira na ala! E gue, e baa kodro ni awe; so ayeke nzoni kodro mingi. Ala ngba ti duti na ndo so senge pepe! Ala londo, e gue, e mu kodro ni!