Josué 10:41 - Mbeti ti Nzapa - Tënë so amu fini

⁴¹ Josué amu asese ni, ti londo na Kades-Barnea ngbii asi na Gaza. Lo mu nga sese ti Goshen kue ngbii asi na Gabaon.

Josué 10:41 Iomraidhean Croise

Tongo nda ti aye 10:19

si sese ti azo ti mara ti Kanaan ni alondo na Sidon ahon na Gerar ague ngbii asi na Gaza, ti gue na mbage ti Sodome na Gomore, na Adma, na Seboim, ngbii asi na Lesha.

1 Agbia 3:5

Kâ na Gabaon, na bi, *KOTA GBIA asi na Salomon na ya ti bango-li si atene na lo: “Hunda na mbi ye so mo ye, fade mbi yeke mu ni na mo.”

Zakarii 9:5

Na bango aye ni so, mbeto ayeke sara azo ti gbata ti Askalon, azo ti gbata ti Gaza ayeke do na mbeto; azo ti Ekron ayeke do nga na mbeto, ngbanga ti so azo ti Tir ayeke kiri ti mu maboko na ala pepe. Gbia ayeke kiri ti duti na Gaza pepe si zo ayeke kiri ti lango na Askalon pepe.

Wungo ti azo 13:26

Ala ga awara Moïse, Aaron nga na bongbi ti azo ti Israel kue na ya ti benyama ti Paran, na Kades. Azo ni afa peko ti tondo ni na ala nga na bongbi ti azo ti Israel kue, ala fa nga na ala ale ti keke ti kodro ni.

Wungo ti azo 32:8

Gi ye so ababâ ti ala asara ando na Kades-Barnea, na ndembe so mbi tokua ala ti *bembe ndo na kodro ti Kanaan so laa.

Wungo ti azo 34:4

Katikati ni ayeke ngoro ahon na mbage ti Mbongo ti hoto ti Akparakongo si ague na mbage ti Zin; ayeke londo na Zin, ahon na mbage ti Mbongo ti Kades-Barnea. Na pekoni, ayeke hon na Hasar-Adar nga na Asmon.

Awatokua 8:26

*Ange ti *Kota Gbia atene na Philippe: “Londo, mo gue na mbage ti Mbongo, na lege so alondo na Jérusalem azu ti gue na Gaza. Azo akiri ahon na lege ni so pepe.”

Ndia ti fani use ni 1:19

Na pekoni, e londo na hoto ti Horeb alingbi na yanga so *KOTA GBIA Nzapa ti e amu na e. E fâ ya ti kota benyama so ayeke mu mbeto na zo, benyama so ala baa ni so; e mu lege so ague na mbage ti sese ti ahoto so azo ti mara ti Amori ayeke daa. Na pekoni, e si na Kades-Barnea.

Ndia ti fani use ni 2:23

Ti azo ti mara ti Avi, ala lango ando na ya ti akete kodro ti sese ti Gaza. Me azo alondo na Kaftor aga, afâ ala kue ahunzi ala si aduti na ya ti akodro ni na plase ti ala. –

Ndia ti fani use ni 9:23

Na Kades-Barnea, KOTA GBIA atokua ala lani si lo tene na ala: “Ala gue, asara bira si ala mu sese so mbi mu titene aga ti ala.” Me ala ke ti sara ye alingbi na yanga so KOTA GBIA Nzapa ti ala amu. Ala zia be ti ala na ndö ti lo pepe, ala ke ti ma yanga ti lo.

Josué 10:12

Tongaso, na lango so KOTA GBIA azia azo ti mara ti Amori na maboko ti azo ti Israel, Josué ahunda mbeni ye na KOTA GBIA, na le ti azo ti Israel kue, atene: “Lâ, mo luti na ndö ti Gabaon! Nze, mo luti na ndö ti popo-hoto ti Ayalon!”

Josué 10:2

Na mango tënë so, kota mbeto agbu azo ti Jérusalem, ngbanga ti so Gabaon ayeke mbeni kota gbata so akono ahon gbata ti Ai. Gabaon ayeke nga mbeni kota gbata so ahon agbata so agbia ayeke na li ni; aturugu kue ti gbata ni ayeke angangu zo ti bira.

Josué 11:16

Tongaso Josué amu sese ni kue. Lo mu sese ti ahoto, sese ti mbage ti Mbongo, sese ti Goshen kue, *Kodro-ti-gbeni, popo-hoto ti Jourdain, sese so ahoto ayeke daa nga na alando ti mbage ti Banga.

Josué 11:22

Mbeni zo ti mara ti Anak oko angba na sese ti Israel pepe. Me ambeni angba na ya ti agbata ti Gaza, ti Gat nga na ti Asdod.

Josué 15:51

Goshen, Holon na Gilo. Agbata ni kue ayeke baleoko na oko, ala na akete kodro so ayeke na tere ni.

Awafango-ngbanga 16:1

Samson ague na gbata ti Gaza. Kâ, lo baa mbeni wali-ndumba si lo li na da ti lo.

Awafango-ngbanga 16:21

Azo ti Filistii agbu lo si akoro le ti lo. Ala gue na lo na gbata ti Gaza. Ala kanga lo na zingiri ti bengba wen, ala mu na lo kua ti nikango ale ti *ble na da ti kanga.

1 Samuel 6:17

Baa, aye so azo ti Filistii amu lôro asara na ni si akpa sukungo ye si ala mu na KOTA GBIA ndali ti siokpari ti ala laa: Ala mu ye ni oko ndali ti gbata ti Asdod, oko ndali ti gbata ti Gaza, oko ndali ti gbata ti Askalon, oko ndali ti gbata ti Gat, oko ndali ti gbata ti Ekron.