Josué 10:4 - Mbeti ti Nzapa - Tënë so amu fini

⁴ “Ala ga, ala mu maboko na mbi titene e tiri bira na gbata ti Gabaon, ngbanga ti so azo ti gbata ni na Josué nga na azo ti Israel aleke tënë ti siriri.”

Josué 10:4 Iomraidhean Croise

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

2 Timothée 3:12

Biani, azo so kue aga oko na Jésus Christ si ala gbu tënë ti Nzapa mingi, fade a yeke sara ngangu na ala.

Jacques 4:4

Ala so ado lege ti Nzapa azia so! Ala hinga pepe? Zo so aye tënë ti aye ti dunia so, andaa lo ke Nzapa awe; zo so aye tënë ti aye ti dunia so, andaa lo ga wato ti Nzapa awe.

Josué 10:1

Adoni-Sedek, gbia ti Jérusalem, ama a tene, Josué amu gbata ti Ai si lo buba ni kue. Lo sara na gbata ti Ai na gbia ni gi mara ti ye so lo sara na gbata ti Jéricho nga na gbia ni. Lo ma nga atene, azo ti gbata ti Gabaon na azo ti Israel aleke tënë ti siriri si ala yeke lango ndo oko.

Josué 10:5

Agbia oku ti Amori, so ti tene gbia ti Jérusalem, gbia ti Hebron, gbia ti Yarmut, gbia ti Lakish na gbia ti Eglon ama tere; ala na aturugu ti ala kue alondo, ala gue, angoro gbata ti Gabaon si ala tiri bira na gbata ni.

Josué 9:15

Josué na azo ni aleke tënë ti siriri si ala ga ambuki; lo zia ala si ala ngba na fini. Akota zo ti bongbi ti azo ni adeba yanga ti ala ti bata tënë ti mbuki ni.

1 Pierre 4:4

Fadeso, li ti azo ni akpe, ngbanga ti so ala, a-ita, ala yeke sara mbeni pepe asioni sarango ye ti kirikiri so ala na azo ni abongbi ando si ayeke sara ni. Tongaso, azo ni ayeke zonga ala.

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.