Josué 10:3 - Mbeti ti Nzapa - Tënë so amu fini

³ Adoni-Sedek, gbia ti Jérusalem, atokua ndo na Hoham, gbia ti Hebron na Piram, gbia ti Yarmut, na Yafia, gbia ti Lakish nga na Debir, gbia ti Eglon. Lo tene na ala:

Josué 10:3 Iomraidhean Croise

Tongo nda ti aye 23:2

Lo kui na Kiriat-Arba, so ti tene na Hebron, na sese ti Kanaan. Tongaso Abraham atoto kuâ ti Sara si lo sara mua ti lo.

Tongo nda ti aye 37:14

Jacob akiri atene: “Mo gue, mo baa a-ita ti mo; ala yeke kâ tongana nyen, anyama ni ayeke kâ tongana nyen? Na pekoni mo ga, mo fa peko ni na mbi.” Jacob ayeke lani na popo-hoto ti Hebron si lo tokua Joseph. Joseph ague, asi na Sishem.

2 Samuel 2:11

Ngoi so David aduti gbia na Hebron na ndö ti azo ti Juda ayeke ngu mbarambara na nze omene.

2 Agbia 18:14

Ezekias, gbia ti Juda atokua azo na gbia ti Asirii so ayeke na gbata ti Lakish, atene: “Mbi sara sioni awe! Mo zia ti tiri bira na mbi. Ye so kue mo hunda na mbi ti futa, fade mbi yeke futa ni.” Gbia ti Asirii adiko na li ti Ezekias, gbia ti Juda, kilo ti wen ti nginza saki gumbaya, na kilo ti lôro ngbangbo gumbaya.

2 Agbia 18:17

Andaa gbia ti Asirii ayeke na gbata ti Lakish. Kâ, lo tokua turugu ti lo ti kota kamba, na makonzi ti akota zo ti kua ti lo nga na makonzi ti aturugu ti batango lo, ala na gba ti aturugu; lo tokua ala na gbia Ezekias na Jérusalem. So ala si kâ awe, ala gue, aluti na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

2 Mbai 11:9

Adoraim, Lakish, Azeka,

Jérémie 34:7

Na ngoi ni so, aturugu ti gbia ti Babilone ayeke tiri bira na Jérusalem nga na agbata use ti Juda, Lakish na Azeka, so ngangu gbagba ayeke na tere ni si ade aturugu awara lege ti mu ni pepe so.

Mishe 1:13

Ala azo ti gbata ti Lakish, ala kanga pusu na tere ti ambarata! Ala laa asara si azo ti *Sion asara siokpari, gi ala laa apusu azo ti Israel ti sara ngangu li.

Wungo ti azo 13:22

Ala mu lege so ahon na mbage ti Mbongo si ala gue ngbii asi na Hebron, ndo so azo ti kete mara ti Ahiman, ti Sheshai na ti Talmai ayeke lango daa. Ala kue ayeke *ahale ti Anak. A sara gbata ti Hebron ngu mbarambara kozoni si a sara gbata ti Soan so ayeke na Ezipte.

Josué 10:1

Adoni-Sedek, gbia ti Jérusalem, ama a tene, Josué amu gbata ti Ai si lo buba ni kue. Lo sara na gbata ti Ai na gbia ni gi mara ti ye so lo sara na gbata ti Jéricho nga na gbia ni. Lo ma nga atene, azo ti gbata ti Gabaon na azo ti Israel aleke tënë ti siriri si ala yeke lango ndo oko.

Josué 10:23

Azo ni asara ye so lo hunda si ala sigigi na agbia oku so na lo: gbia ti Jérusalem, gbia ti Hebron, gbia ti Yarmut, gbia ti Lakish na gbia ti Eglon.

Josué 10:34

Josué na azo ti Israel kue alondo na Lakish, ala gue na Eglon. Ala ngoro gbata ni si ala tiri bira na gbata ni.

Josué 10:5

Agbia oku ti Amori, so ti tene gbia ti Jérusalem, gbia ti Hebron, gbia ti Yarmut, gbia ti Lakish na gbia ti Eglon ama tere; ala na aturugu ti ala kue alondo, ala gue, angoro gbata ti Gabaon si ala tiri bira na gbata ni.

Josué 14:15

Iri ti Hebron ayeke ando Kiriat-Arba. Arba ayeke ando mbeni koli so ayeke kota zo mingi na popo ti azo ti mara ti Anak. Na pekoni, sese ni aduti na siriri, bira ayeke daa pepe.

Josué 15:54

Humeta, Kiriat-Arba, so a iri ni nga Hebron, na Sior. Agbata ni kue ayeke gumbaya, ala na akete kodro so ayeke na tere ni.

Josué 15:63

Azo ti mara ti Juda awara lege pepe ti tumba azo ti mara ti Yebus so ayeke lango na Jérusalem. Azo ti mara ti Yebus na azo ti Juda angba ti lango na Jérusalem ngbii asi laso.

Josué 18:28

Sela, Elef, gbata ti azo ti Yebus, so ti tene Jérusalem, Gibea na Kiriat-Yearim, so ti tene agbata baleoko na osio na akete kodro so ayeke na tere ni. So ayeke sese so aga ye ti azo ti Benjamin alingbi na akete mara ti ala laa.