Josué 1:7 - Mbeti ti Nzapa - Tënë so amu fini

⁷ Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Josué 1:7 Iomraidhean Croise

1 Agbia 2:2

“Mbi ga nduru ti zia sese so awe. Mo gbu ngangu, mo sara ye ti koli!

1 Agbia 2:3

Sara ye alingbi na yanga so *KOTA GBIA, Nzapa ti mo amu; bata andia ti lo, ambela ti lo, atënë ti yanga ti lo nga na aye so lo fa si ayeke na ya ti mbeti ti *Ndia ti Moïse. Tongaso si aye so kue mo yeke sara, wala aye so mo ye ti sara, fade ayeke ga nzoni.

2 Agbia 22:2

Yosias asara ye so ayeke mbirimbiri na le ti *KOTA GBIA. Lo mu taa gi peko ti sarango ye ti kotara ti lo David; lo zia lege ni ti hon mbage na mbage pepe.

1 Mbai 22:13

Tongana mo sara ye na lege ti aye so ndia afa nga na lege ti ambela ti KOTA GBIA so lo mu na Moïse ndali ti azo ti Israel, fade aye ti mo kue ayeke ga nzoni. Gbu ngangu, mo sara ye ti koli, zia mbeto asara mo pepe, zia mbeto ahon ndö ti mo pepe.

2 Mbai 15:7

Me ti ala fadeso, azo ti Israel, ala gbu ngangu, be ti ala awoko pepe. Fade ala yeke wara futa ti kua ti ala.”

2 Mbai 26:5

Na ngoi so kue Zakarii angba na fini, lo so lo yeke ma ya ti ye so Nzapa afa na lo na ya ti mbeni ye tongana bango-li, lo fa na Ozias lege ti kpengo mbeto ti *KOTA GBIA Nzapa; Nzapa asara si aye ti Ozias aga nzoni.

Mbeti ti Job 1:8

KOTA GBIA atene na lo: “Mo baa dutingo ti Job, zo ti kua ti mbi awe? Na ndö ti sese so, mbeni zo ti lingbi na lo ayeke daa pepe. Lo yeke mbeni koli so tënë ayeke na li ti lo pepe, lo yeke sara ye na legeni; lo yeke kpe mbeto ti Nzapa si lo yeke kpe lege ti sarango sioni.”

Abia (Psaumes) 80:19

Tongaso, fade e yeke hon na tere ti mo pepe, mo yeke sara si e kiri e duti na fini si e yeke voro mo.

Amato 4:27

Mo zia lege ni ti hon mbage na mbage pepe; mo kpe lege ti sioni ye.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Wungo ti azo 27:23

Lo zia maboko na li ti Josué ti zia lo na yanga ti kua ni alingbi na yanga so KOTA GBIA amu na Moïse.

Ndia ti fani use ni 11:8

Nilaa, alingbi ala sara ye alingbi na atënë ti yanga ti mbi so kue mbi yeke tene na ala laso. Tongaso, fade ala yeke wara ngangu so alingbi titene ala gue, amu sese so ala yeke li na ya ni;

Ndia ti fani use ni 28:14

alege so mbi fa na ala, fade ala yeke zia ni ti hon mbage na mbage pepe, ala yeke mu peko ti ambeni nzapa nde pepe ti voro ala.

Ndia ti fani use ni 29:8

Ndani laa, alingbi ala bata atënë ti *mbuki so Nzapa asara ni na ala. Tongaso si aye so kue ala yeke sara, ayeke ga nzoni.

Ndia ti fani use ni 29:9

Moïse atene: Ala, azo ti Israel, ala laa aluti laso na le ti *KOTA GBIA Nzapa ti ala so. Azo kue ayeke na ndo so: azo so ayeke na li ti amara ti ala na amakonzi ti ala, *akangba ti ala na azo so ayeke baa ndo na ndö ti akua ti ala,

Ndia ti fani use ni 31:7

Na pekoni, Moïse airi Josué si atene na lo na le ti azo ti Israel kue, atene: “Mo gbu ngangu, mo sara ye ti koli, ngbanga ti so mo laa mo yeke mu azo so ti li na ala na sese so KOTA GBIA adeba yanga ti lo ando ti mu na akotara ti ala titene aga ti ala.

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

Josué 1:1

Na peko ti kuâ ti Moïse, zo ti kua ti *KOTA GBIA, KOTA GBIA atene na Josué, molenge ti Nune so lo yeke sara kua na tere ti Moïse, atene:

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 11:15

KOTA GBIA amu ando yanga na Moïse, zo ti kua ti lo, na ndö ti tënë so. Moïse amu nga na Josué si Josué asara ye alingbi na ni. Lo sara ye so kue KOTA GBIA amu yanga na Moïse ti sarango ni.

Josué 23:6

Me gi ye oko, ala mu be ti ala kue ti sara ye alingbi na tënë so kue a su na ya ti mbeti ti *Ndia ti Moïse. Ala zia lege ni ti gue mbage na mbage pepe.