Josué 1:2 - Mbeti ti Nzapa - Tënë so amu fini

² “Moïse, zo ti kua ti mbi akui awe. Londo fadeso, mo fâ ngu ti Jourdain, mo na azo ti Israel kue titene ala li na ya ti kodro so mbi mu na ala.

Josué 1:2 Iomraidhean Croise

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Néhémie 9:23

Mo sara si *ahale ti ala awu mingi tongana atongoro ti yayu. Mo sara si ala li na sese so mo hunda ando na akotara ti ala titene ala gue, amu ni si aga ti ala.

Mbeti ti Job 1:8

KOTA GBIA atene na lo: “Mo baa dutingo ti Job, zo ti kua ti mbi awe? Na ndö ti sese so, mbeni zo ti lingbi na lo ayeke daa pepe. Lo yeke mbeni koli so tënë ayeke na li ti lo pepe, lo yeke sara ye na legeni; lo yeke kpe mbeto ti Nzapa si lo yeke kpe lege ti sarango sioni.”

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Wungo ti azo 12:7

Ti Moïse, zo ti kua ti mbi, ye ni ayeke tongaso pepe. Lo laa mbi zia be ti mbi na ndö ti lo ti baa ndo na ndö ti aye ti da ti mbi kue.

Ndia ti fani use ni 3:28

Mo mu yanga na Josué. Mo sara titene lo gbu ngangu, lo sara ye ti koli. Biani, lo laa lo yeke gue na azo ni ti fâ ngu ti Jourdain, lo laa lo yeke mu sese so mo yeke baa so na azo ni titene aga ti ala.”

Ndia ti fani use ni 31:7

Na pekoni, Moïse airi Josué si atene na lo na le ti azo ti Israel kue, atene: “Mo gbu ngangu, mo sara ye ti koli, ngbanga ti so mo laa mo yeke mu azo so ti li na ala na sese so KOTA GBIA adeba yanga ti lo ando ti mu na akotara ti ala titene aga ti ala.

Ndia ti fani use ni 34:5

Moïse, zo ti kua ti KOTA GBIA akui kâ, na sese ti Moab alingbi na tënë so KOTA GBIA atene.

Josué 1:1

Na peko ti kuâ ti Moïse, zo ti kua ti *KOTA GBIA, KOTA GBIA atene na Josué, molenge ti Nune so lo yeke sara kua na tere ti Moïse, atene:

Josué 1:11

“Ala hon na ya ti bâbâ, ala mu yanga na azo ni, atene: ‘Ala leke akobe ti tengo ni, ngbanga ti so na ya ti lango ota, fade ala yeke fâ ngu ti Jourdain ti gue ti mu kodro so KOTA GBIA, Nzapa ti ala, ayeke mu na ala titene aga ti ala.’ ”