Josué 1:1 - Mbeti ti Nzapa - Tënë so amu fini

¹ Na peko ti kuâ ti Moïse, zo ti kua ti *KOTA GBIA, KOTA GBIA atene na Josué, molenge ti Nune so lo yeke sara kua na tere ti Moïse, atene:

Josué 1:1 Iomraidhean Croise

1 Agbia 19:16

Na pekoni, mo tuku mafuta na li ti Yehu, molenge ti Nimshi titene lo ga gbia ti Israel. Fade mo tuku mafuta na li ti Élisée, molenge ti Shafat, zo ti gbata ti Abel-Mehola titene lo sara kua ti wayanga-Nzapa na peko ti mo.

2 Agbia 3:11

Me Yosafat ahunda ndo, atene: “Mbeni wayanga-Nzapa ayeke na ndo so titene na lege ti lo, e lingbi ti hunda *KOTA GBIA pepe?” Mbeni zo ti kua oko ti gbia ti Israel akiri tënë: “Élisée, molenge ti Shafat ayeke na ndo so; lo laa lo yeke mu lani maboko na wayanga-Nzapa Élie.”

Néhémie 8:17

Azo so kue abongbi kâ, ala so alondo na kodro wande, na ndo so a gbu ala lani si a gue na ala daa si ala kiri so, ala sara akpangba si aduti na gbe ni. So ayeke ngoi so azo asara ngia mingi, ngbanga ti so, ti londo na ngoi ti Josué, molenge ti Nune, ngbii asi na lango so, azo ti Israel akiri asara matanga ti Akpangba pepe.

Sigingo 24:13

Moïse alondo, lo na Josué, zo ti mungo maboko na lo, ala ma na li ti hoto ti Nzapa.

Wungo ti azo 11:28

Josué, molenge ti Nune ayeke sara kua na gbe ti Moïse, ngbene ye so lo de molenge. Josué adekongo na Moïse, atene: “Babâ, kanga lege na ala!”

Wungo ti azo 12:7

Ti Moïse, zo ti kua ti mbi, ye ni ayeke tongaso pepe. Lo laa mbi zia be ti mbi na ndö ti lo ti baa ndo na ndö ti aye ti da ti mbi kue.

Wungo ti azo 13:16

So ayeke iri ti akoli so Moïse atokua ala ti bembe ndo na ya ti kodro ti Kanaan laa. Moïse amu na Hose, molenge ti Nune iri ti Josué.

Wungo ti azo 13:8

Hose, molenge ti Nune, zo ti mara ti Efraim;

Nzoni Tënë so Luc asu na mbeti 16:10

Zo so ayeke sara ye na legeni na akete ye, fade lo yeke sara ye na legeni na akota ye. Me zo so ayeke sara ye kirikiri na akete ye, fade lo yeke sara nga ye kirikiri na akota ye.

Awatokua 7:45

So akotara ti e awara da ni awe, ala mu ni, ala na Josué ague na ni na ya ti akodro so ala mu ni na maboko ti amara so Nzapa atumba ala na dawa ti akotara ni. Da so angba na ya ti akodro ni ngbii asi na ngoi ti David.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Ndia ti fani use ni 1:38

Me Josué, molenge ti Nune, lo so lo yeke sara kua na gbe ti mo, lo laa lo yeke si ande na sese ni. Ayeke nzoni mo mu ngangu na be ti lo; lo laa lo yeke mu sese ni na azo ti Israel titene aga ti ala.”

Ndia ti fani use ni 31:23

Na pekoni KOTA GBIA amu tënë ti yanga ti lo na Josué, molenge ti Nune, atene: “Gbu ngangu, mo sara ye ti koli, ngbanga ti so mo laa mo yeke sara ande si azo ti Israel ali na kodro so mbi deba yanga ti mbi ti mu na ala; fade mbi yeke na mo.”

Ndia ti fani use ni 31:3

KOTA GBIA Nzapa ti ala wani laa ayeke mu li ti tambula ni na ala. Lo yeke fâ amara so alango na mbage ti ngu ni kâ ti hunzi ala, tongaso si ala, azo ti Israel, ala yeke wara lege ti mu sese ti amara ni so. Josué nga ayeke mu li ti tambula ni na ala tongana ti so KOTA GBIA atene.

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

Ndia ti fani use ni 34:12

Na le ti azo ti Israel kue, Moïse asara akota ye na lege ti ngangu so ayeke zia mbeto na be ti zo.

Ndia ti fani use ni 34:5

Moïse, zo ti kua ti KOTA GBIA akui kâ, na sese ti Moab alingbi na tënë so KOTA GBIA atene.

Ndia ti fani use ni 34:9

Josué, molenge ti Nune asi na yingo ti ndara, ngbanga ti so Moïse azia maboko lani na li ti lo. Azo ti Israel ama yanga ti Josué, ala sara ye alingbi na yanga so KOTA GBIA amu lani na Moïse.

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

Jacques 1:1

Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Josué 1:15

ngbii KOTA GBIA amu lege na a-ita ti ala ti wu tere, tongana ti so lo sara na ala so; fade a-ita ti ala ni ayeke wara nga sese so KOTA GBIA, Nzapa ti ala ayeke mu na ala. Na pekoni, ala azo ti mara ti Ruben, ti Gad nga na ndambo ti mara ti Manase ayeke kiri na sese so Moïse, zo ti kua ti KOTA GBIA amu na ala, na mbage ti ngu ti Jourdain, ndo so lâ ayeke sigigi daa so.”

Josué 1:2

“Moïse, zo ti kua ti mbi akui awe. Londo fadeso, mo fâ ngu ti Jourdain, mo na azo ti Israel kue titene ala li na ya ti kodro so mbi mu na ala.

Josué 12:6

Moïse, zo ti kua ti *KOTA GBIA, na azo ti Israel ahon ndö ti agbia use so na bira; Moïse amu akodro ni na azo ti mara ti Ruben, azo ti mara ti Gad nga na ndambo ti mara ti Manase titene aga ti ala.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.