Jonas 4:9 - Mbeti ti Nzapa - Tënë so amu fini

⁹ Nzapa atene na Jonas: “So mo yeke sara ngonzo ndali ti keke so, ayeke na legeni laa?” Jonas akiri tënë: “Een, ayeke na legeni so mbi sara ngonzo ngbii si mbi ye ti kui so.”

Jonas 4:9 Iomraidhean Croise

1 Agbia 21:4

Akab akiri na da, na sukungo ngbangba nga na ngonzo, ngbanga ti tënë so Nabot, zo ti gbata ti Yizreel atene na lo so: “Yaka ti *vinye so akotara ti mbi azia na mbi si aga ti mbi so, fade mbi yeke mu ni na mo pepe.” Lo gue, lo lango na ndö ti gbogbo ti lo, lo zia le ti lo na mbage ti dere ti da si lo ke ti te kobe.

Mbeti ti Job 18:4

Ti mo, tongana ngonzo agbu mo awe, mo yeke suru tere ti mo wani na ka. Mo baa mo tene, ndali ti mo, sese ayeke ga benyama? Ndali ti mo, têne ayeke zia plase ti lo ti gue na mbeni ndo nde?

Mbeti ti Job 36:18

Zia lege na sioni ngonzo ti pusu mo ti sara ye kirikiri pepe! Mo baa ti mo, mo tene, mo lingbi ti pete goro na Nzapa?

Mbeti ti Job 5:2

Biani, songo be laa ayeke fâ zo ti buba; zo so li ti lo ayeke daa pepe, kota be ayeke fâ lo.

Jonas 4:1

Ye ni so anzere na be ti Jonas oko pepe si lo sara ngonzo.

Jonas 4:10

Tongaso KOTA GBIA atene na Jonas: “Ma mbi si! Keke so, mo laa mo sara si asigigi si akono pepe; mo sara nga mbeni kua daa pepe; keke ni asigigi na bi oko si gi na bi oko ahole. Tënë ti keke ni aso be ti mo tongaso ngbanga ti nyen?”

Jonas 4:8

Na pekoni, so lâ asigigi awe, Nzapa asara si mbeni kota pupu ti To so ayeke wâ mingi alondo si ayeke ya ngangu ngangu. Lâ asu Jonas ngangu, angba kete ka lo hon na ndö ti yingo ti lo. Jonas airi kuâ na tere ti lo, lo tene: “Titene mbi kui, ayeke nzoni ahon titene mbi ngba na fini.”

Matthieu 26:38

Tongaso lo tene na ala: “Be ti mbi ayeke na vundu mingi, mo baa mo tene, mbi ye ti kui kuingo; ala ngba na ndo so, mbi na ala, e lango pepe!”

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.

Aye so Nzapa afa 9:6

Na ndembe ni so, fade azo ayeke gi ti kui, me ala yeke kui pepe; nzara ti kuâ ayeke sara ala, me kuâ ayeke kpe ala ti hon yongoro.

Awafango-ngbanga 16:16

Dalila aso mê ti Samson si lo woko lo na tenengo na lo gi oko tënë so lakue. Tongaso be ti Samson awoko kue, lo ye gi kuâ.